ཤའི་མིག་འདིས་མི་རིག་རྒུ་རིག
རྣམ་ཤེས་གཉིས་ལྡན་གྱི་མི་ཞིག་ཏེ་
སིར་སིར་གྱི་ངར་སྒྲ་འདོན་བཞིན་པའི་ཆོས་སྐྱོང་གི་སྐུ་རྟེན་།
ཤའི་མིག་འདིས་མི་རིག་རྒུ་རིག
རྣམ་ཤེས་མེད་པའི་མི་ཕོ་འགའ་ཡང་ཏེ་
མན་ཇུའི་ཤ་ཁྲག་གིས་གྲུབ་པའི་རྒྱ་མི་།
རྣམ་ཤེས་སྔར་ནས་ཡལ་ཟིན་པས་
མཆེ་སྡེར་གཙིགས་ནས་ང་འཆའ་ལ་ཁད་དུ་
ངའི་ཕྱོགས་སུ་རྒོལ་མཆོང་བྱས་བྱུང་།
རང་སྐད་མི་འཆོས་ཀྱང་རྒྱ་སྐད་ཀྱིས་གཤེ་གཤེ་བཏང་།
“ཁྱོད་ཀྱིས་རང་ཉིད་རྒྱ་མི་ཡིན་པ་བརྗེད་སོང་ངམ”་ཟེར་ནས་
ང་ལ་གདང་མིག་བགྲད་ཅིང་ཡང་ཡང་སྤྱོས།
2011.6.2་ཧུན་སུར་།
No comments:
Post a Comment