To Your Holiness Tenzin Gyatso

Followings are only some links to different articles and Your Holiness can find them directly from them. 

༡།   http://www.phayul.com/news/article.aspx?id=29574&article=Tibetan+General+Meeting+to+appeal+the+Dalai+Lama+to+be+%22ceremonial+head+of+state%22&t=1&c=1 Tibetan General Meeting to appeal the Dalai Lama to be "ceremonial head of state"
༢།   http://www.phayul.com/news/article.aspx?id=29622&article=TYC+vows+to+retain+the+name+%E2%80%98Tibetan+Government-in-exile%E2%80%99&t=1&c=1 TYC vows to retain the name ‘Tibetan Government-in-exile’
༣།   http://www.tibettimes.net/news.php?cat=5&&id=4359 བོད་རྒྱལ་ཁབ་འདི་སྐྱོབ

༤།   http://www.tibettimes.net/news.php?showfooter=1&id=4518     གཞོན་ལྷན་གྱི་གསར་འགོད་གསལ་བསྒྲགས།

༥།   http://www.shambalapost.com/blog/viewpost/6511ཤམ་པ་ལ

༦།   http://www.tibettimes.net/news.php?id=4486 བསམ་ཚུལ་ཐ་ཐུན།

༧།   http://www.tibettimes.net/news.php?showfooter=1&id=4482 གསབ་བསྒྲགས

༨།   http://www.tibettimes.net/news.php?showfooter=1&id=4476 གངས་ལྗོངས་རང་དབང་

༩།   http://www.khabdha.org/?p=19535 མོག་མོག་གི་བོད

༡༠།   http://www.khabdha.org/?p=19512 བཀའ་ཤག་གི་གསར་བཤད་

༡༡།   http://www.khabdha.org/?p=19493 གཞུང་དང་སྒྲིག་རྩོད་མཁན་ཚོར་

༡༢།   http://www.tibettimes.net/news.php?id=4463 རྒྱ་ནག་ལ་མགོ་བདག་པའི་བཅའ་ཁྲིམས་སྐྱར་བཅོས

༡༣།   http://www.khabdha.org/?p=19441བོད་གཞུང་དང་

༡༤།   http://www.khabdha.org/?p=19436 གོང་ས་མཆོག་ལ་ཐུགས་ཁག་མི་འདིག

༡༥།   http://www.khabdha.org/?p=19427 ངའི་རྒྱལ་ཁབ་ཇི་ལྟར་བསྐྱལ་བའི་

༡༦།   http://www.khabdha.org/?p=19371 ཐ་ཐུན

༡༧།   http://www.khabdha.org/?p=19368 བོད་མིའི་མིང་ཡང་རྗེ་རན

༡༨།   http://www.khabdha.org/?p=19360 གཞུང་ཐམ་ལ་སྐྱེལ་མ་

༡༩།   http://www.khabdha.org/?p=19354 སྒོ་གཏན་ཚར་བའི་

༢༠།   http://www.khabdha.org/?p=19312 གངས་ལྗོངས་ཀྱི་དོན་མ་རྟོགས་པའི

༢༡།   http://www.khabdha.org/?p=19224 བོད་གཞུང་མིང་འདི་འཇོག་དགོས

༢༢།   http://www.khabdha.org/?p=19215 བཙན་བྱོལ་བ་ལ་སྒྲིག་འཛུགས་མི་དགོས

༢༣།   http://www.tibettimes.net/news.php?cat=5&&id=4435 འཕོ་སྟངས

༢༤།   http://www.tibettimes.net/news.php?id=4505 བཀའ་སྤྱི་གཉིས་ཀྱི་ནག་ཉེས།

༢༥།   http://www.tibettimes.net/news.php?cat=5&&id=4359 དབུ་མའི་ལམ

༢༦།   http://www.tibetexpress.net/bo/2010-02-06-06-49-13/5721-2011-05-19-04-11-41

རྒྱལ་གླུ་དང་རྒྱལ་དར་གྱི་ཚེ་མཇུག  བོད་ཀྱི་བང་ཆེན་སྤྱིའི་འདོན་ཐེངས་ ༣༣༣

༢༧།   http://www.tibetexpress.net/bo/2010-02-06-06-49-13/2010-02-04-05-42-15/5738-2011-05-22-13-52-53 བཙན་བྱོལ་བོད་གཞུང་ཞེས་པ་སྒྱུར་དགོས་དོན་མི་འདུག   བཀའ་བློན་ཁྲི་ཟུར་བཀྲས་མཐོང་བསྟན་འཛིན་རྣམ་རྒྱལ་ལགས་

༢༨།   http://www.tibetexpress.net/bo/blog/viewpost/5774  བོད་ཀྱི་བང་ཆེན་ལ་ཡོད་པའི་ཟིན་བྲིས་ཤིག་ཡིན་ཀྱང་ད་ཆ་བསུབ་ཚར་འདུག
༢༩།   http://www.tibetexpress.net/bo/blog/viewpost/5772    བོད་ཀྱི་བང་ཆེན་ལ་ཡོད་པའི་ཟིན་བྲིས་ཤིག་ཡིན་ཀྱང་ད་ཆ་བསུབ་ཚར་འདུག

༣༠།   http://www.tibetexpress.net/bo/blog/viewpost/5769   བོད་ཀྱི་བང་ཆེན་ལ་ཡོད་པའི་ཟིན་བྲིས་ཤིག་ཡིན་ཀྱང་ད་ཆ་བསུབ་ཚར་འདུག

༣༡།   http://www.tibetexpress.net/bo/blog/viewpost/5746   བོད་ཀྱི་བང་ཆེན་ལ་ཡོད་པའི་ཟིན་བྲིས་ཤིག་ཡིན་ཀྱང་ད་ཆ་བསུབ་ཚར་འདུག

༣༢།   http://www.tibetexpress.net/bo/blog/viewpost/5716   བོད་ཀྱི་བང་ཆེན་ལ་ཡོད་པའི་ཟིན་བྲིས་ཤིག་ཡིན་ཀྱང་ད་ཆ་བསུབ་ཚར་འདུག

༣༣།   http://www.phayul.com/news/article.aspx?id=29579&article=Government+in+Exile&t=1&c=4    Government in Exile

༣༤།   http://www.tibetexpress.net/bo/blog/viewpost/5691  བོད་ཀྱི་བང་ཆེན་ལ་ཡོད་པའི་ཟིན་བྲིས་ཤིག་ཡིན་ཀྱང་ད་ཆ་བསུབ་ཚར་འདུག

༣༥།   http://www.tibetexpress.net/bo/blog/viewpost/5656བོད་ཀྱི་བང་ཆེན་ལ་ཡོད་པའི་ཟིན་བྲིས་ཤིག་ཡིན་ཀྱང་ད་ཆ་བསུབ་ཚར་འདུག

མན་ཇུའི་རྒྱ་རིགས།

ཤའི་མིག་འདིས་མི་རིག་རྒུ་རིག

རྣམ་ཤེས་གཉིས་ལྡན་གྱི་མི་ཞིག་ཏེ་

སིར་སིར་གྱི་ངར་སྒྲ་འདོན་བཞིན་པའི་ཆོས་སྐྱོང་གི་སྐུ་རྟེན་།

ཤའི་མིག་འདིས་མི་རིག་རྒུ་རིག

རྣམ་ཤེས་མེད་པའི་མི་ཕོ་འགའ་ཡང་ཏེ་

མན་ཇུའི་ཤ་ཁྲག་གིས་གྲུབ་པའི་རྒྱ་མི་།

རྣམ་ཤེས་སྔར་ནས་ཡལ་ཟིན་པས་

མཆེ་སྡེར་གཙིགས་ནས་ང་འཆའ་ལ་ཁད་དུ་

ངའི་ཕྱོགས་སུ་རྒོལ་མཆོང་བྱས་བྱུང་།

རང་སྐད་མི་འཆོས་ཀྱང་རྒྱ་སྐད་ཀྱིས་གཤེ་གཤེ་བཏང་།

“ཁྱོད་ཀྱིས་རང་ཉིད་རྒྱ་མི་ཡིན་པ་བརྗེད་སོང་ངམ”་ཟེར་ནས་

ང་ལ་གདང་མིག་བགྲད་ཅིང་ཡང་ཡང་སྤྱོས།

2011.6.2་ཧུན་སུར་།

མཐོང་བཞིན་མཐོང་བཞིན་གྱི་ལོ་རྒྱུས།

ལོ་རྒྱུས་ནི་དུས་ཚོད་ཀྱིས་མ་གཏོགས་མི་མཐོང་ཟེར་།

འོན་ཀྱང་ དུས་ཚོད་ལ་ང་ཇི་བཞིན་མིག་ཡོད་དམ།

ཕྲེང་རྡོག་རེ་རེ་བཞིན་

དུས་ཚོད་ཀྱི་རྒྱུན་བར་བརྒྱུས་པའི་ཕྲེང་བ་འདི་

ངས་མཐོང་བའི་ལོ་རྒྱུས་སོ།

སུས་ཀྱང་མ་མཐོང་བའི་ལོ་རྒྱུས་དེ་འོ་།

བོད་རྒྱལ་ཁབ་ཀྱི་ལས་དབང་རེ་རེ་བཞིན་

ངའི་མདུན་ནས་བཞུད་འགྲོ་བཞིན་འདུག

ང་ནི་ལོ་རྒྱུས་མཐོང་བའི་མིག་གོ

གངས་རིའི་ལྗོངས་ཀྱི་ལོ་རྒྱུས་ཀྱི་ཕྲེང་རྡོག་རྣམས

ག་ལེར་ག་ལེར་ངའི་མདུན་ནས་བཤར་འགྲོ་བཞིན་སྣང་།

གལ་ཏེ་ང་ལ་ལག་ཟུང་ཞིག་ཡོད་ན་

གཡང་ལ་ལྷུང་བཞིན་པའི་ཕྲེང་རྡོག་རེ་རེ་

གྱེན་དུ་སྐྱོར་བར་འདོད་ཀྱང་ ་་་་ངས་ཅི་ལྟར་བྱེད།

གལ་ཏེ་ང་ལ་མྱིད་ཐག་གི་མགྲིན་སྒོ་ཞིག་ཡོད་ན་

ལམ་གཏོལ་བའི་ཕྲེང་རྡོག་རེ་རེ་ལ་

ལམ་སྟོན་གྱི་བསླབ་བྱ་རེ་བྱེད་འདོད་ཀྱང་་ ་་་ ངས་ཅི་ལྟར་བྱེད་།

ངས་མཐོང་བ་ལས་གཞན་དུ་གང་ཡང་མི་ཐུབ་

དེས་ན་ང་ལ་བདེ་སྡུག་གི་ཚོར་བ་མྱོང་བའི་

སེམས་པ་འདི་ཡང་མེད་ན་ཅི་མ་རུང་།

2011་6་1 ཧུན་སུར་།

བར་དོའི་གསར་འབྱོར་བ།

དེ་རིང་ངས་

བར་དོ་ནས་ཕེབས་པའི་རྣམ་ཤེས་ཤིག་མཐོང་།

ང་དང་ཁོ་ཡི་བར་དུ་

གཏམ་གླེང་གི་འབྲེལ་བ་མ་ཞོགས་ཀྱང་

ཁོ་བོ་ནི་བར་དོ་ལ་གསར་དུ་འབྱོར་བའི་

ལས་དང་པོ་བ་ཞིག་ཡིན་འདུག

གཞན་དག་བཞིན་

ཁོ་རང་གསོན་དུ་འཚོ་བའི་འདུན་པ་ཧ་ཅང་ཆེ་ན་ཡང་

ཁོ་རང་འཆི་ལམ་དུ་སོང་བ་ནི་

ཁོ་རང་ཉིད་ཀྱི་དངས་བླངས་ཀྱིས་སོང་བ་ཡིན་འདུག་པས་

སུ་ལ་ལེ་བདའ་བྱེད་ས་མེད་པ་འདུག

འགྱོད་པའི་རི་བོ་ཞིག་རྒྱབ་ཏུ་ཁུར་ནས་

ང་དང་རྒྱང་རིང་དུ་བཞུད་སོང་།

ཕྱི་མིག་བལྟ་བཞིན་བལྟ་བཞིན་བཞུད་སོང་།

2011་6་1 ཧུན་སུར་།

བོད་རྒྱལ་ཁབ་ཀྱི་སྲིད་གཞུང་འདི་སྐྱོབ་རོགས།

ང་ནི་འཁྱམ་པོ་ཞིག་གིས་ཁ་ཕོ་དེ་ཙམ་མ་བཤད་མི་རིགས་པར་དགོངས་སྲིད་ཀྱང་། ཁོ་བོ་མི་ལོ་ཉི་ཤུའི་ཡར་སྔོན་རང་ཡུལ་ན་ཡོད་པའི་སྐབས་སུ་གནས་དེ་ན་སྐྱིད་མེད་རུང་ཕ་མའི་གློ་ངོགས་ཡིན་པས་རང་གར་སྡོད་མ་འདོད་པ་ག་ལ་ཡིན། སྡོད་གཟོད་མ་བདེ་བར་རམ་དེ་ན་བསྡད་པ་དེས་བློ་མ་ཚིམས་ཤིང་། འདི་ན་ཅི་ཞིག་ཡོད་པའི་རེ་བ་ཆེན་པོ་ཞིག་ལ་བསྙེགས་ཏེ་ཧི་མ་ལ་ཡ་བརྒལ་ནས་ཡོང་བ་ཡིན་པས་ང་ལ་ཡང་བཙན་བྱོལ་བ་ཞིག་གི་མཚན་ཉིད་ཚང་ཡོད་པར་སྙམ།

༧གོང་ས་མཆོག་གིས་རང་རེའི་ཆབ་སྲིད་ཀྱི་ལས་འགན་རང་ལག་ཏུ་གཏད་གནང་བའི་དུས་འདིར་ཡུལ་མིའི་རྒྱལ་ཁབ་ཀྱི་ངོ་བོར་གྲ་སྒྲིག་བྱེད་པའི་བཀའ་སློབ་དང་དུ་ལེན་ལོ་སྐད་ཀྱི་སྦྱོར་བ་ལ་གནས་པའི་སྐྱེ་བོ་རེ་ཟུང་གི་ངག་ལ་བརྟེན་ནས་ལོ་༢༠་ཡི་ནང་ལ་མ་བྱུང་བའི་ཆེས་གཟོད་པར་དཀའ་བའི་ཡིད་ཆད་ཐོག་མ་དེ་ད་གཟོད་གཞི་ནས་བྱུང་། དེ་ཡང་ཁོ་བོ་ཅག་ན་རེ་། བཙན་བྱོལ་བོད་གཞུང་ཟེར་བ་ནི་ཁྲིམས་དང་མི་མཐུན་པས་དགའ་ལྡན་ཕོ་བྲང་ཕྱིར་བསྡུ་བྱས་རྗེས་ཀྱི་སྲིད་གཞུང་དེ་ལ་“་བཙན་བྱོལ་བོད་མིའ་གཞུང”་ཞེས་འབོད་དགོས་ཚུལ་ཟེར། ད་ནི་ངོ་མ་ང་ཚོ་ལ་རེ་བ་ཞིག་ཨེ་འདུག གཞིས་ལུས་རྒྱ་ཆེའི་མི་མང་གིས་རེ་བའི་མིག་འབུར་འདི་ཕྱོགས་སུ་ཅེར་དོན་ནི་འདི་ན་ཁོང་ཅག་གི་སེམས་གཏིང་གི་འདོད་པའི་སྲིད་གཞུང་དེ་ཡོད་སྙམ་པའི་བློ་ཕུགས་དྲོན་མོ་ཞིག་ཡོད་པས་ཡིན། འོན་ཀྱང་ད་ནི་དེ་དག་གི་རེ་བའི་མིག་ནང་དུ་ཐལ་བ་བཏབ་པ་མ་ཡིན་ནམ། མི་འདི་དག་གི་ལག་ཏུ་དབང་ཆ་བཞག་ན་འདི་འདྲ་ཞིག་མ་གཏོགས་ག་ལ་ཡོད་ཨང་།

རེ་ཟུང་གིས་ང་ཚོ་ནི་བཙན་བྱོལ་དུ་བསྡད་ནས་ལོ་དེ་སྙེད་ཅིག་ཕྱིན་ཟིན་པས་ད་ནི་རང་ཅག་ལ་སྐྱབ་བཅོལ་བའི་མཚན་ཉིད་ཚང་མེད་ཅེས་གནད་དོན་གསར་བ་ཞིག་མཁྱེན་པའི་མཁས་པ་ཡིན་མདོག་རེ་སྟོན་ཅིང་། ཅི་ཡང་མི་སྙམ་པ་མང་པོ་ཞིག་གིས་ཀྱང་ཡིན་པ་ལྟར་སྣང་ནས་བདེན་ཁ་སྦྱིན། འོན་ཀྱང་ཞིབ་ཏུ་བསམ་བློ་ཐོངས་དང་། ང་ཚོ་འདིར་ལོ་གྲངས་ཇི་ཙམ་སོང་རུང་ཕྱིར་རང་ཡུལ་ལ་སོང་ན་འགྲོ་མི་བདེ་བ་དང་། བསྡད་ན་གནས་བདེ་བ་ཞིག་ཡིན་པའི་དབང་གིས་འགྲོ་མི་ཐུབ་པ་ལས་ཕ་གི་ན་འགྲོ་ཆོག་དང་འདུག་ཆོག་ཡོད་བཞིན་དུ་ང་ཚོ་མི་འགྲོ་བ་ཞིག་རེད་དམ། གནས་སྟངས་འདི་འདྲ་བ་ཞིག་གི་ནང་དུ་ཡོད་མཁན་ལ་སྐྱབ་བཅོལ་བ་ཞེས་འབོད་པ་ཆོག་པ་ལས་སྐྱབ་བཅོལ་བའི་མཚན་ཉིད་ལ་ལོ་ཡི་གྲངས་ཀྱིས་འཇོག་པ་ནི་རིག་པ་དང་མཐུན་པའི་མཚན་ཉིད་ཅིག་རེད་དམ།

ད་བར་དུ་གྲ་ཅུང་ཟད་ཉམས་ཡོད་སྲིད་ཀྱང་། གྲུ་མ་ཞིག་པར་གནས་པའི་བོད་རྒྱལ་ཁབ་ཀྱི་ཁྲིམས་མཐུན་གྱི་སྲིད་གཞུང་དེ་འཇིག་རྟེན་ལ་གྲགས་མ་གྲགས་གང་ལྟར་རུང་སྐྱབ་བཅོལ་གྱི་གདུགས་འོག་ཏུ་གནས་མུས་ཡིན། བོད་རྒྱལ་ཁབ་ཀྱི་ཁྲིམས་མཐུན་གྱི་སྲིད་གཞུང་དགའ་ལྡན་ཕོ་བྲང་ཕྱོགས་ལས་རྣམ་རྒྱལ་དེ་ནི་སྐྱབ་བཅོལ་དུ་ཡོང་བའི་སྐྱེ་བོ་ཞིག་ཇི་བཞིན་དུ་ཕྱིའི་རྒྱལ་ཁབ་ཏུ་བཙན་བྱོལ་ལ་འབྱོར་བ་ཁོ་ན་ཡིན། རྒྱལ་ཁབ་སུ་ཞིག་གི་ཁྲིམས་ལུགས་ལ་ཡང་རྒྱལ་ཁབ་གཅིག་གི་ནང་དུ་རྒྱལ་ཁབ་གཞན་པ་ཞིག་གིས་སྲིད་གཞུང་འཛུགས་སྲོལ་མེད་ཅིང་། དེའི་ཁྲིམས་ཐོག་ལ་འཁོད་མེད་ཅེས་བདེན་པ་སྐྱོང་བའི་རྒྱལ་བོ་ཡིན་མདོག་གིས་མང་མང་སྨྲ་བཞིན་འདུག དོན་དུ་རང་གི་སྲིད་གཞུང་རང་གིས་གཏོར་བ་ཁོ་ན་ཡིན་པ་མཁྱེན་གྱི་མེད་པ་འམ་མཁྱེན་ཀྱང་འགྱོད་པ་མེད་པ་ཇི་འདྲའི་སྙིང་ལ་ན་ཟུགས་ཆེ་བ་ལ་ཨང་།  

རྒྱལ་ཁབ་གཅིག་གི་ནང་དུ་རྒྱལ་ཁབ་གཞན་ཞིག་གིས་སྲིད་གཞུང་འཛུགས་པའི་ལམ་ལུགས་མེད་པ་དང་ཁྲིམས་ལ་གསལ་མེད་ལུགས་བདེན་དུ་ཆུགས་ཀྱང་དེ་ནི་རྒྱལ་ཁབ་དེ་དང་དེ་དག་གི་ཁྲིམས་ཀྱི་ཞན་ཆ་ཞིག་གམ་སྟོང་ཆ་ཞིག་ལ་འཆད་ཆོག་པ་ལས་རྒྱལ་ཁབ་འཛུགས་པ་པོས་ནོར་འཁྲུལ་བྱས་པ་ཞིག་ཏུ་བསམ་ཡེ་ནས་མི་དགོས། གང་ལགས་ཤེ་ན་སྲིད་གཞུང་དེ་ཡང་རང་ས་དྲོན་མོའི་ཐོག་ཏུ་ཕ་རོལ་བོ་ཞིག་གིས་ཆགས་སུ་མ་བཅུག་པས་འུ་ཐུག་པའི་གནས་ལ་གྱར་ཡོད་པ་ལས་ཕྱིའི་རྒྱལ་ཁབ་ག་གེ་མོའི་ས་ཐོག་ཏུ་སྲིད་གཞུང་བཙུགས་ནས་རྒྱལ་བསྐྱེད་རིང་ལུགས་པའི་བྱ་སྤྱོད་སྤེལ་བ་ཞིག་མིན་པས་སོ། སྔར་བྱུང་མ་མྱོང་བ་དེ་ད་ལྟ་དང་མ་འོངས་བར་འབྱུང་མི་འོས་པའི་སྒྲུབ་བྱེད་ལ་འགོད་པ་ནི་མཁས་པར་གྲགས་པ་དག་གི་མཚན་ལ་ཇི་འདྲའི་མ་འཚམས་པ་ལ་ཨང་། གནས་སྟངས་དམིགས་བསལ་བ་ལ་ཁྲིམས་ཡིག་ཏུ་གསལ་ཁ་མེད་ན་དེ་ནི་ཁྲིམས་ཡིག་གི་ཞན་ཆ་ལ་བརྩི་རུང་བ་ལས་གནས་སྟངས་ཀྱི་ནོར་འཁྲུལ་ལ་ཡེ་ནས་བརྩི་མི་འོས། གང་ལགས་ཤེ་ན་ཁྲིམས་ལུགས་ནི་ཐོག་མ་འགྲོ་བ་མི་ལ་ཞབས་འདེགས་སྒྲུབ་ཆེད་དུ་ཡིན་པས་མ་ཁྱབ་པའི་གནས་སྟངས་གསར་བ་བྱུང་ན་དེ་ལ་ཁྱབ་པར་བཟོ་དགོས་སོ། 

༧གོང་ས་མཆོག་གིས་དབུ་ཁྲིད་པའི་བཙན་བྱོལ་དགའ་ལྡན་ཕོ་བྲང་སྲིད་གཞུང་དེ་བཙུག་ནས་ད་ལྟ་མི་ལོ་ཧྲིལ་བོ་༥༡་ཕྱིན་ཟིན་པ་དེའི་རིང་ལ་རང་རེའི་བཙན་བྱོལ་སྲིད་གཞུང་བཙུག་པ་འདི་ཡུལ་ཁྲིམས་དང་འགལ་བར་དགོངས་ནས་ཕྱིར་བསྡུ་གནང་མི་འདུག་ན་ཡང་། ཁྱེད་ཅག་༧གོང་ས་མཆོག་ལས་བདེན་པ་སྲུང་མཁན་དང་ཡུལ་ཁྲིམས་ལ་ལེགས་པར་སྲུང་མཁན་དུ་སྒྲུབ་འདོད་པ་ཨེ་ཡིན། ལོ་དེ་སྙེད་ཀྱི་རིང་ལ་རྒྱ་གར་རྒྱལ་ཁབ་ཀྱིས་ཀྱང་མ་མཁྱེན་པ་དང་མ་རིག་པར་འཆད་ཀྱི་ཡིན་ནམ། དགོས་པ་དང་རྒྱུ་མཚན་ཆེན་པོ་ཞིག་ལ་བརྟེན་ནས་ད་བར་དུ་འདི་མུར་བཞག་པ་དེ་མ་མཁྱེན་པའི་མཁས་ཁྱེད་ཅག་ཇི་འདྲའི་ཡ་མཚན་པ་ལ། ཡུལ་བདག་རང་གིས་ཅི་ཡང་མ་གསུང་ས་ན་ཁྱེད་ཅག་གིས་ཡུལ་ཁྲིམས་དང་འགལ་གྱིན་འདུག་ཅེས་རང་སྐེ་རང་གིས་དང་བླངས་ཀྱིས་གཅོད་པ་ནི་རི་བོང་གནམ་རྡིབ་ཀྱི་སེམས་ཁྲལ་ལས་གཞན་ཅི། རང་མཆུ་རང་གིས་བསྡམས་ན་དོམས་ཤག་ཤག་ཅེས་པ་འདི་ཅིའི་མ་བདེན། ཁྱེད་ཅག་གིས་གནད་དོན་ཆེན་པོ་ཞིག་ཤེས་ཡོད་མདོག་དང་བདེན་པ་ཟེར་བའི་རང་སྐེ་རང་གིས་གཅོད་བྱེད་དེ་ལ་སྲུང་གི་ཡོད་མདོག་གིས་དེ་ལྐུགས་པ་མིག་བཙུམ་གྱིས་འཐམས་འཐམས་ནས་ད་ནི་བོད་གངས་ཅན་གྱི་ལྗོངས་ན་ལུས་པའི་བོད་འབངས་རྣམས་བྱེའུ་ཕྲུག་བྱེ་ཐང་དུ་བརྟོལ་བ་བཞིན་གཡུགས་ནས་“བཙན་བྱོལ་བོད་མིའི་སྲིད་གཞུང”་ཞེས་པ་ཞིག་འཛུགས་རྒྱུའི་སྟ་གོན་ལ་གཞོལ་བ་དེ་ཐོས་དུ་སྙིང་ཁམས་ཅི་འདྲའི་ན་བ་ལ་ཨང་། ནང་པ་སངས་རྒྱས་པའི་ཆོས་བྱེད་པ་སྙིང་རྗེིའི་ཉམས་ལེན་པར་རློམ་པ་དག་གི་ཉམས་ལེན་དེ་འདི་འདྲ་ཞིག་ཡིན་ན་ཇི་འདྲའི་ངོ་བོ་གནག་པ་ལ་ཨང་།

༧གོང་ས་མཆོག་གིས་འཇིག་རྟེན་ན་དཔེ་རུ་མེད་པའི་ཡང་དག་པ་དང་དོན་དམ་པའི་དབུ་ཁྲིད་ཀྱི་ཐུགས་རླབས་པོ་ཆེ་བསྐྱེད་ནས་རང་རེའི་རྒྱལ་ཁབ་འདི་ཡང་དག་པ་དང་དོན་དམ་པའི་དམངས་གཙོ་ཅན་ཞིག་ལ་སྒྱུར་ཆེད་དུ་རང་ཉིད་ཀྱི་དབང་ཆ་བཀོལ་ནས་རང་ཉིད་ཀྱི་དབང་ཆ་ལ་ཚོད་འཛིན་གནང་སྟེ། བོད་རྒྱལ་ཁབ་འདི་ཡུལ་མིའི་རྒྱལ་ཁབ་ངོ་མ་ཞིག་ཏུ་སྒྱུར་དགོས་པའི་བཀའ་གསུང་ཕེབས་ཡོད་ན་ཡང་། ཁྱེད་ཅག་གིས་གོ་སྐབས་འདི་དམ་དུ་བཟུང་ནས་བོད་ཕྱི་ནང་གཉིས་ཀྱི་དོན་དམ་པའི་སེམས་ཀྱི་རེ་འདུན་དང་། བློ་གཏད་ཡོངས་སུ་བཅོལ་ཡུལ་གནམ་འོག་ན་གནས་པའི་བོད་གངས་ཅན་གྱི་ཁྲིམས་མཐུན་གྱི་སྲིད་གཞུང་གཅིག་བུ་དེ་རྩ་མེད་དུ་གཏོང་བའི་སྦྱོར་བ་ཚབ་པོ་ཆེ་བཤམས་ནས་དེའི་ཚབ་ཏུ་“བཙན་བྱོལ་བོད་མིའི་སྲིད་གཞུང”་ཞིག་འཛུགས་རྒྱུའི་སྐུལ་སློང་བྱེད་པ་ནི་དོན་དམ་པའི་བོད་རྒྱལ་ཁབ་ཕུངས་བའི་ལས་ཉིད་དུ་འཁུམས། དེས་ན་ཁྱེད་ཅག་ནི་ལོ་རྒྱུས་ཀྱི་ཉེས་ཅན་པ་རུ་མི་འདྲེན་ན་གང་དུ་འདྲེན། ༧གོང་ས་མཆོག་གིས་དགའ་ལྡན་པོ་བྲང་གི་སྲིད་གཞུང་དེ་ཕྱིར་བསྡུ་གནང་དགོས་པར་གསུང་ཡོད་པ་ལས་བཙན་བྱོལ་བོད་གཞུང་ཕྱིར་གནང་དགོས་པ་ཡེ་ནས་གསུང་མེད། གལ་སྲིད་ཁྱེད་ཅག་གིས་བཙན་བྱོལ་བོད་གཞུང་ཕྱིར་བསྡུ་བྱས་ན་གཞིས་ལུས་རྒྱ་ཆེའི་མི་མང་ལ་གདོང་ཇི་ལྟར་སྟོན་རྒྱུ་ཡིན་ནམ། ལར་ནས་ཁྱེད་ཅག་ལ་འདི་ལ་ཐུགས་ཁྲལ་ཞིག་ཨེ་ཡོད།

ད་ནི་ཁྱེད་ཅག་དཔོན་པོར་བབས་ཤིང་། ཁྱེད་ཅག་གི་ཅག་གི་ལག་ཏུ་གངས་ཅན་པའི་ལས་དབང་གི་ཐག་སྣེ་ཐོགས་སྐབས་ཁྱེད་ཅག་གི་བལྟ་བ་དང་ལངས་ཕྱོགས་(མང་ཆེ་བ་རྒྱ་གར་ལས་དཔེ་བཤུས་པ)་ཁོ་ནའི་དབང་དུ་བཏང་ནས་ཁྱེད་ཅག་གི་བྱེད་སྟངས་འདི་འདྲ་ཞིག་ཡིན་ན། ཅི་སྟེ་“བཙན་བྱོལ་བོད་གཞུང་”་དེ་ཕྱིར་བསྡུ་བྱས་ནས་དེའི་ཤུལ་དུ་“བཙན་བྱོལ་བོད་མིའི་གཞུང་”་འཛུགས་རྒྱུ་ཡིན་ན། ཅི་སྟེ་གཞིས་བོད་མི་དག་གིས་ཉིན་མཚན་མེད་པར་རེ་བའི་མིག་འབུར་འདི་ཕྱོགས་སུ་གཏད་པ་ལ་ཐལ་བ་བཏབ་ན། མི་ལོ་དེ་དག་གི་རིང་ལ་འདིར་བསྡད་པའི་དོན་གོ་ཆོད་མ་སོང་བས་ངེད་བོད་འབངས་རྣམས་ནི་ཡང་ན་ཕྱིར་རང་ཡུལ་གྲང་མོ་རྒྱ་ནག་པོའི་བྲན་འོག་ཏུ་གཏན་དུ་འཛུལ་རྒྱུ་འམ་ཡང་ན་ཕྱིའི་རྒྱལ་ཁབ་ཏུ་ཐེངས་གཉིས་པའི་སྐྱབ་བཅོལ་དུ་འགྲོ་བ་ལས་ཐབས་གཞན་མི་འདུག

སྐབས་འདིར་སྔོན་མ་ཕྱི་ལོ་༡༩༩༡་ལོར་ཨ་རིའི་གྲོས་ཚོགས་སོགས་ཀྱིས་ཡིག་ཆ་ཨང་༢༥༧་པའི་ནང་དུ་“་་་རྒྱལ་སྤྱིའི་ཁྲིམས་ཡིག་ཁག་གི་ནང་དོན་ལྟར་ན་བོད་(མདོ་དབུས་ཁམས་གསུམ་ཚུད་པ)་ནི་བཙན་དབང་གིས་བཟུང་བའི་རྒྱལ་ཁབ་ཅིག་ཡིན་པ་དང་། དེའི་སྐུ་ཚབ་ངོ་མ་ནི་བོད་མི་མང་གིས་ཁས་ལེན་ཡོད་པའི་བཙན་བྱོལ་བོད་གཞུང་དང་༧གོང་ས་ཏཱ་ལའེ་བླ་མ་ཡིན།”་པར་གྲོས་ཆོད་དང་ཡོངས་བསྒྲགས་བྱས་ཡོད་པ་དེ་དང་། དེ་རྗེས་ཡོ་རུབ་གྲོས་ཚོགས་ཀྱིས་བཙན་བྱོལ་བོད་གཞུང་དེ་ཁྲིམས་མཐུན་ངོས་ལེན་བྱེད་འདོད་བྱུང་བ། ཉེ་ཆར་སི་པེན་རྒྱལ་ཁབ་ཀྱི་ཁྲིམས་ཁང་གིས་“བོད་དེ་གཞན་གྱིས་བཙན་དབང་གིས་བཟུང་བའི་རྒྱལ་ཁབ་ཅིག་ཡིན།”་པའི་ཁྲིམས་ཐག་བཅད་པ། གཞན་ཡང་འཛམ་གླིང་མི་མང་གིས་བོད་བཙན་བྱོལ་སྲིད་གཞུང་ལ་དོན་དམ་པའི་རྒྱབ་སྐྱོར་གང་དག་མཛད་ཡོད་པ་ཚང་མ་ཐུགས་ཀྱིས་དྲན་གསོ་རེ་མཛད་པར་ཞུ།

བཀའ་ཁྲིའི་ཆ་རྐྱེན་བཞི་བ-འཇིག་རྟེན་བལྟ་སྟངས།

ང་ཚོ་བཙན་བྱོལ་དུ་དམངས་གཙོ་ལག་ལེན་བསྟར་ནས་ལོ་ངོ་ལྔ་བཅུའི་གཡས་གཡོན་དུ་སོང་བའི་ཉམས་མྱོང་ལས་གནད་དོན་ཞིག་གསར་རྟོགས་བྱུང་བ་ནི་བཀའ་བློན་ཁྲི་བ་སོགས་ཆབ་སྲིད་ཀྱི་འཁོར་ལོ་སྒྱུར་པ་བོ་དག་ལ་ཤེས་ཡོན་དང་། འཇོན་ཐང་། ལྷག་བསམ་བཅས་གསུམ་གྱིས་མི་ཆོག་པའི་ཆ་རྐྱེན་བཞི་བ་ཞིག་དགོས་པ་དེ་རེད། དེ་ནི་འཇིག་རྟེན་བལྟ་ཕྱོགས་མ་ནོར་བ་ཞིག་ཡོད་དགོས་པ་དེ་རེད། འཇིག་རྟེན་བལྟ་ཕྱོགས་མ་ནོར་བ་ཞེས་པ་ནི་མཁས་མ་མཁས་ཀྱི་སྐོར་ཞིག་མིན་པར་རྒྱལ་ཁབ་ཅིག་གི་འཚོ་གནས་ལ་ཁེ་ཕན་ཡོད་མེད་ཅིག་ལ་གོ་དགོས།  

ང་ཚོའི་སྲིད་ཀྱི་དབུ་ཁྲིད་ལ་བཙན་བྱོལ་ནང་དུ་ཨ་ཡོད་ནང་གི་ད་ཡོད། སྒོ་ངའི་ནང་ཚིལ་ལུ་གང་མང་ཞིག་འཇོག་ཐུབ་པ་བྱུང་ཡོད། འདི་ནི་ཕྱོགས་གཅིག་ནས་དགའ་འོས་པའི་དོན་ཞིག་ཀྱང་ཡིན། རྒྱུ་མཚན་ནི་ཡུལ་གཞན་གྱིས་སྲིད་སྟེགས་སུ་ཡུལ་དེའི་ནང་གི་གང་ཟག་རྩེ་ཕུད་རྣམས་ཧ་ལམ་ཡོང་ཐུབ་ཀྱི་མེད་པས། ནོར་བུ་རང་ལ་ཡོད་ཀྱང་ནོར་བུས་ནོར་ཉམས་མ་ལོན་པ་དང་འདྲ་ན་ཡང་རང་ཅག་གིས་དེ་ལྟར་ཐུབ་པ་ནི་ངས་བལྟས་ན་སུས་ཀྱང་དོ་སྣང་མ་བྱུང་བའི་དགེ་མཚན་ཞིག་ཀྱང་ཡིན་སྲིད།

ཉེ་བའི་ཆར་བསམ་ན་མཁས་དབང་ཟམ་གདོང་རིན་པོ་ཆེ་མཆོག་བཀའ་བློན་ཁྲི་བར་དུས་ཡུན་གཅིག་ཙམ་མིན་པར་བསྟུད་མར་སྐབས་གཉིས་ལ་བཞག་ཐུབ་པ་བྱུང་ཡོད་ཅིང་། ཁོང་ནི་གོང་གི་ཆ་རྐྱེན་གསུམ་ཀ་ཚང་བའི་སྐྱེས་བུ་སྙོན་མེད་དེ་ཡིན་པར་ཀུན་ལ་ཡོངས་སུ་གྲགས་པ་དོན་ལ་ཡང་གནས་པར་སེམས།

འོ་ན་ཁོང་བཀའ་ཁྲིར་འཁོད་ནས་བོད་ཀྱི་ལོ་རྒྱུས་ལ་འགྱུར་བ་ཇི་ཙམ་བཏང་ཡོད་མེད་དང་། ལྷག་པར་དུ་བཏང་ཡོད་ན་བཟང་ཕྱོགས་དང་ངན་ཕྱོགས་སམ་དགོས་པའི་ཕྱོགས་དང་མི་དགོས་པའི་ཕྱོགས་གང་དུ་ཁ་ལོ་བསྒྱུར་ཡོད་མེད་ནི་དེ་བས་ཀྱང་བརྗོད་མི་ཐུབ་པ་ཞིག་ཏུ་གྱུར་སོང་། ངོ་མ་བཤད་ན་ཁོང་གི་ཆབ་སྲིད་ལས་འགན་རྫོགས་ལ་ཉེ་བའི་ད་སྐབས་ཁོང་གི་སྙན་གྲགས་དེ་སྔར་ལས་ལྡབ་འགྱུར་འཕེལ་ཞིང་། ཁོང་ནི་བོད་མི་རིགས་ཀྱི་ཁྱད་ནོར་ཞིག་ཏུ་ཀུན་གྱིས་སྔགས་པའི་དུས་ཚོད་ཅིག་ལ་ད་སྐབས་སླེབས་ཡོད་དགོས་ན་ཡང་། དེ་ལས་ལྡོག་སྟེ་ཁོང་གིས་ལོ་བཅུ་ལ་ཆབ་སྲིད་བསྐྱངས་བ་དེ་བོད་མི་རིགས་ཀྱི་མདུན་ལམ་བརྒྱབ་བཤིག་ལོ་བཅུ་བཏང་ཡོད་དང་མདུན་སྐྱོད་ལོ་བཅུ་བཏང་ཡོད་པ་དོགས་པ་ཟ་དགོས་པའི་གནས་སྟངས་ཤིག་ཏུ་གྱུར་ཡོད། མདོར་ན་ཁོང་གིས་ལོ་བཅུ་ལ་ཆབ་སྲིད་བསྐྱངས་བ་དེས་བོད་རྒྱལ་ཁབ་ལ་ཁེ་རག་ཡོད་དམ་གྱོང་རག་ཡོད་པ་ད་ལྟ་རྩོད་གཞིར་གྱུར་སོང་།

འོ་ན་ཁོང་ལྟ་བུ་ཤེས་ཡོན་འཇོན་ཐང་ལྷག་བསམ་སུམ་འཛོམས་ཀྱི་སྐྱེས་བུ་ཞིག་ལ་ཅི་ཞིག་གིས་མ་འགྲིག་པར་མང་པོས་སྡིག་ཡུལ་དུ་གྱུར་བ་ཡིན་ཟེར་ནཿ ངའི་བསམ་པར་ཁོང་ལ་གོང་དུ་ཞུས་པའི་ཆ་རྐྱེན་བཞི་བ་དེ་ལྡན་མེད་པས་མིན་ནམ་སྙམ་པའི་དོགས་སློང་འདི་ཞུ་འདོད་བྱུང་། བདག་གིས་འདི་ཟམ་གདོང་རིན་པོ་ཆེ་ལ་མཚན་དམད་ཞུས་པ་ཡེ་ནས་མིན་ལ་དེ་ལྟར་ཞུ་འདོད་ཀྱང་མེད། ལར་ནས་ང་ཚོ་མི་སྐྱ་ལ་མཚན་དམད་དུ་འགྲོ་བའི་དོན་འགའ་རེ་ཁོང་ལྟ་བུ་ལ་ཆེ་བསྟོད་དུ་འགྱུར་བའི་སྐབས་ཀྱང་ཡོད་པ་བརྗོད་མ་དགོས། དཔེར་ན་༧གོང་ས་མཆོག་སྲིད་དོན་པ་མཁས་པ་ཞིག་མ་རེད་ཅེས་ཞུ་ན་དེ་ནི་ཁོང་ལ་མཚན་དམད་མིན་པར་ཆེ་བསྟོད་དུ་འགྱུར་བར་བདག་སྙམ། དེ་ལས་ལྡོག་སྟེ་ཁོང་སྲིད་དོན་པ་ཆེན་པོ་ཞིག་ཡིན་རབས་བཤད་ཚེ་ངའི་བསམ་བློ་ལ་༧ཁོང་ལ་བསྟོད་པར་འགྲོ་བ་ལས་དམའ་འབེབས་སུ་འགྲོ་བར་བསམ།  

འོ་ན་ཟམ་གདོང་རིན་པོ་ཆེ་ལ་འཇིག་རྟེན་བལྟ་ཚུལ་ཡག་པོ་ཞིག་མི་འདུག་ཞུ་བ་ཡིན་ནམ་ཟེར་ནཿ སྤྱིར་ཡག་པོ་དང་སྡུག་པོ་ཟེར་བ་འདི་ཡང་འཇིག་རྟེན་མ་བརྟག་པའི་ངོར་ཚུགས་ཐུབ་ཏུ་གྲུབ་ཡོད་པ་ལྟ་བུ་ཞིག་སྣང་གི་ཡོད་པ་ལས་དོན་དུ་དེ་ལྟར་མེད་པར་བལྟོས་འཇོག་གིས་བཤད་དགོས་པ་ཞིག་ཡིན་པས་ཐ་སྙད་སྦྱོར་སྟངས་ཤིག་ཡིན། ང་ཚོ་འཛམ་གླིང་འདིར་སྐྱེས་པ་དལ་འབྱོར་སྙིང་པོ་ལོན་ཆེད་དང་། གཏན་གྱི་འདུན་མ་ལོན་ཆེད་དུ་སྐྱེས་པར་ངོས་འཛིན་ན་ནི་ཁོང་གི་འཇིག་རྟེན་བལྟ་ཚུལ་དེ་ཡག་པོ་ཞིག་ཡིན་པ་དང་། ཡང་ང་ཚོ་འཛམ་གླིང་འདིར་སྐྱེས་པ་དེ་འཇིག་རྟེན་གྱི་འཚོ་བ་ལ་རོལ་ཆེད་དམ་སྐྱེ་བོ་གཞན་དག་བཞིན་འཇིག་རྟེན་འདིར་ཁྱིམ་གཞིས་ཟིན་ཆེད་དུ་སྐྱེས་པར་ངོས་འཛིན་བྱེད་ན་ནི་ཁོང་གི་འཇིག་རྟེན་ལྟ་ཚུལ་དེ་སྡུག་པོ་ཞིག་ལ་བཤད་ཆོག མདོར་ན་བྱ་དངོས་གང་ཡིན་ཡང་ཡག་སྔུག་གཉིས་ལས་མེད་པ་དང་། དེ་ཡང་ཡག་པ་ཐམས་ཅད་གཙང་ཞིང་སླད་མེད་པ་ཡིད་དུ་འོང་བ་ཞིག་དང་། སྡུག་པ་ཐམས་ཅད་བཙོག་ཅིང་ཞེ་མེར་བ་ཞིག་ཡིན་དགོས་པ་ལས་དཀར་ནག་གི་ཆ་འདྲེས་མར་གནས་པ་ཡེ་ནས་ཁས་མི་ལེན་པའི་སྲོལ་ཞིག་རང་རེར་ཡོད་ན་ཡང་། དོན་དུ་བྱ་དངོས་ཀུན་ལ་ཡང་བཟང་ངན་གྱི་ཆ་འདྲེས་ནས་ཡོད་པ་མ་ཟད། ཡག་སྡུག་གི་ཐ་སྙད་འདི་ཡང་བལྟོས་ས་བལྟོས་འཇོག་གིས་སྦྱོར་དགོས་པ་ལས་གདོད་མ་ཉིད་ནས་ཡག་པ་དང་སྡུག་པར་གྲུབ་པ་ཞིག་ཡེ་ནས་མེད།

དེས་ན་ཁོ་བོས་བཤད་འདོད་པ་ནི་འཇིག་རྟེན་བལྟ་ཕྱོགས་ནོར་དང་མ་ནོར་བ་ཞེས་པ་ནི་གང་ཟག་གང་དེའི་འཇིག་རྟེན་བལྟ་ཕྱོགས་དེ་བོད་རྒྱལ་ཁབ་ཀྱི་ཆབ་སྲིད་ལ་ཕན་ཐོགས་ཡོད་པ་དང་མེད་པ་ཞིག་ལ་གོ་རྒྱུ་ལས་གཞན་པའི་ལེགས་ཉེས་ཀྱི་རྣམ་བཞག་གང་ལ་ཡང་གོ་རྒྱུ་མིན། སྤྱིར་ན་ད་བར་གྱི་བཙན་བྱོལ་གྱི་དུས་ཚོད་ནང་དུ་རང་རེའི་རྒྱལ་རབས་ལོ་རྒྱུས་དེ་མདུན་སྐྱོད་ཆེན་པོ་འདྲ་བྱུང་མ་སོང་བར་བཤད་མི་གཏུབ་མོད། གང་ལྟར་འདོད་བློ་ཁེངས་བ་ཞིག་བྱུང་མེད་པ་ནི་ཀུན་གྱིས་ངོས་ལེན་དགོས་པར་སྣང་། དེས་ན་དེའི་རྒྱུ་རྐྱེན་གང་ཡིན་ཞེ་ནཿ དེ་ནི་སྲིད་གཞུང་གི་དབུ་ཁྲིད་རྣམས་ལ་ཤེས་འཇོན་ལྷག་གསུམ་འཛོམས་པ་ཞིག་ཡེ་ནས་བྱུང་མ་མྱོང་བ་མིན་པར་། ཤེས་འཇོན་ལྷག་བལྟ་བཞི་འཛོམས་ཅན་གྱི་སྐྱེས་བུ་ཞིག་མ་བྱུང་བའི་ལན་པ་ཡིན་དགོས་པར་བསམ།

ད་ལྟ་ཤེས་འཇོན་ལྷག་གསུམ་འཛོམས་དགོས་པ་ལ་ཞིབ་པར་བཤད་དགོས་པ་གང་ཡོད། ཀུན་གྱིས་གལ་ཆེན་དུ་གཟིགས་ཀྱི་ཡོད་པས་ཁོ་བོས་འདིར་གསར་བ་ཞིག་ཞུ་རྒྱུ་གང་ཡང་མེད། དེས་ན་འདིར་ཁོ་བོས་ཆ་རྐྱེན་བཞི་བ་འདིའི་སྐོར་ཅུང་ཟད་ཞུ།

ཆོས་ཀྱི་ཕན་ཡོན་དང་མིག་རྒྱང་གི་ཡོན་ཏན་ལ་རྔམ་ནས་རང་རེའི་སྲིད་གཞུང་འདི་ཆོས་སྲིད་གཉིས་ལྡན་གྱི་སྲིད་གཞུང་ཞིག་ཡིན་དགོས་པའི་སྒྲུབ་བྱེད་ཇི་ལྟར་བཀོད་རུང་། དོན་དུ་སྲིད་གཞུང་ཞིག་གི་ལས་དོན་ནི་འབངས་མི་རྣམས་ཀྱི་ཚེ་འདིར་སྣང་འཇིག་རྟེན་གྱི་བྱ་བ་སྒྲུབ་རོགས་བྱེད་རྒྱུ་དེ་ཙམ་ཡིན་པ་ལས་གཟུར་དུ་མེད། ཆོས་སྲིད་ཟུང་འབྲེལ་གྱི་གལ་གནད་ལ་ཤུགས་ཇི་ལྟར་བརྒྱབས་རུང་དོན་དུ་ཡུལ་མི་རྣམས་ལ་སྤྱོད་པ་ཡ་རབས་ཞིག་དགོས་པ་ཙམ་ལ་དམིགས་ནས་གསུང་གི་འདུག ངོ་མ་བཤད་ན་དེ་ཙམ་གྱིས་སྲིད་ཁྲིམས་ནང་དུ་ཆོས་ཁྲིམས་བསྲེ་དགོས་པའི་མཐའ་མའི་སྡོམ་ཚིག་ཡེ་ནས་རྒྱག་མི་ཐུབ།

སྤྱིར་དང་ལྷག་པར་དུ་སྐལ་བ་བཟང་པོའི་དུས་སུ་སྲིད་ཁྲིམས་ནང་དུ་ཆོས་ཁྲིམས་བཞག་ན་ཧ་ཅང་ལེགས་པ་ཡིན་ཀྱང་། དེའི་ངོས་གཞན་པ་ན་ལྡོག་ཕྱོགས་ཀྱི་འབྲས་བུ་ཧ་ཅང་མི་ལེགས་པ་འབྱིན་གྱི་ཡོད་སྟབས་ད་སྐབས་སྲིད་ཁྲིམས་ནང་དུ་ཆོས་ཁྲིམས་བཞག་པ་ལས་མ་བཞག་ན་དགའ་བར་གྱུར་བ་ཡིན། དེས་ན་འདི་གསལ་བོར་བཤད་ལོས་དགོས། སྤྱིར་ན་ཁ་ཆེའི་ཆོས་འདི་མི་ཆོས་དང་མཐུན་སྟོབས་ཧ་ཅང་ཆེ་བ་ཞིག་ཡིན་ན་ཡང་། དེའི་ཆོས་ཁྲིམས་ཡུལ་ཁྲིམས་ལ་འཇོག་འདོད་པའི་རྒྱལ་ཁབ་དག་གི་ནང་དུ་དཀའ་ངལ་ག་ཚོད་འབྱུང་གིན་འདུག་པ་ལ་གཟིགས་དང་། ཐ་ལི་བྷན་ཞེས་པ་འདི་ཡང་སྐྱེ་བོ་བསམ་མེད་འགའ་ཞིག་གིས་སེམས་རྣག་གི་བྱ་སྤྱོད་སྤེལ་བ་དེ་འདྲ་གང་ཡང་མིན་པར་། ཆོས་ལུགས་ལ་དུང་ཞེན་ཧ་ཅང་ཆེ་བའི་སློབ་ཕྲུག་སྐོར་ཞིག་གི་ལས་འགུལ་སྤེལ་བ་ཞིག་རེད། འོན་ཀྱང་ང་ཚོས་དང་འཛམ་གླིང་གིས་ཁོང་ཚོ་ལ་བལྟ་ཚུལ་ག་འདྲ་ཞིག་འདུག མདོར་བསྡུས་ན་འདི་ནི་སྲིད་ཁྲིམས་ནང་དུ་ཆོས་ཁྲིམས་འཇོག་འདོད་དམ་ཆབ་སྲིད་ཆོས་བཞིན་སྐྱོང་འདོད་པའི་བསམ་བློ་ཤུགས་ཆེ་བའི་དབང་གིས་རེད། ཡིན་ན་ཡང་འདི་ཡག་རུང་ངན་རུང་ད་ལྟའི་དུས་རབས་འདིར་བསམ་བློ་འདི་རིགས་བྲིན་རྒྱུགས་མེད་པ་རེད།

དེ་ནི་ཕྱི་ལོགས་ཀྱི་དཔེ་ཞིག་རེད། ད་རང་ཉིད་ལ་སྦྱར་ནས་བཤད་ནཿ “ང་ཚོས་རྒྱལ་ཁབ་སྐྱོང་མ་ཐུབ་པ་དེ་དེངས་དུས་ཀྱི་ཤེས་ཡོན་མ་བྱུང་བས་ལན་པ་ཡིན།”་ཞེས་ཟེར་མོད། དོན་དུ་དེ་ནི་མཛེས་རྒྱན་གྱིས་སྤྲས་པའི་བཤད་སྟངས་ཤིག་ཡིན་ཞིང་། དེའི་ངོས་གཞན་ནས་བལྟས་ན“ང་ཚོའི་རྒྱལ་ཁབ་སྐྱོང་མ་ཐུབ་པ་དེ་ཆོས་ལུགས་ཀྱི་ཤེས་ཡོན་ལ་ཞུགས་ཆེ་དྲགས་པའི་ལན་པ་ཡིན།”་ཞེས་པ་དེ་རེད། ལར་ནས་དེང་དུས་ཀྱི་ཤེས་ཡོན་དང་ཡུལ་གྱི་ཆབ་སྲིད་སྐྱོང་བ་གཉིས་ལ་དེ་འདྲའི་བལྟོས་གྲུབ་ཆེན་པོ་ཞིག་ངོ་མ་བཤད་ན་ཡོད་དོན་ཀྱང་མེད། ཡོད་ངོ་མ་ནི་ཆོས་ཁྲིམས་དང་སྲིད་ཁྲིམས་གཉིས་ཕན་ཚུན་སྤང་འགལ་གྱི་འབྲེལ་བ་ཞིག་ཡོད་པ་འདི་རེད། འདོད་ཆགས། ང་རྒྱལ། ཕྲག་དོག་སོགས་ལ་རང་གཅུན་མེད་པར་དེ་དག་གྲོགས་སུ་བཀུག་ནས་མི་ཆོས་སྒྲུབ་པ་ནི་སྲིད་དོན་གྱི་ལས་ཀ་ཡིན་ཞིང་། དེ་དག་གཅུན་ནས་སྒོ་ཀུན་ནས་འདུལ་བ་དེ་ཆོས་ཀྱི་ཤེས་ཡོན་ཡིན། ཉོན་མོངས་གྲོགས་སུ་འགུག་པ་འདི་ལ་དེང་དུས་ཀྱི་ཤེས་ཡོན་ཅང་ཟེར་རམ། དེང་དུས་ཀྱི་ཤེས་ཡོན་ཟེར་བ་ནི་གསར་རྟོགས་གསར་བ་དཔེར་ནཿ གློག་ཀླད་ཀྱི་ཤེས་བྱ། སྨན་གྱི་ཤེས་བྱ། རྗས་ཀྱི་ཤེས་བྱ་སོགས་ཚན་རིག་གི་ཤེས་བྱ་རྣམས་ལ་དེང་དུས་ཀྱི་ཤེས་བྱ་རུ་འབོད་དགོས་ངེས་སྙམ། གང་ལྟར་ཀྱང་ཆོས་ཀྱིས་སྲིད་ལ་གནོད་རབས་བཤད་ན་ཆོས་ལ་སྔགས་བརྗོད་ཡིན་པ་ལས་དམའ་འབེབས་མིན་ནོ།

བཙན་བྱོལ་ནང་དུ་ཁོ་བོས་“མེས་བསྲེག་མེས་གཏུག”་ཟེར་བའི་ཚིག་ཅིག་ཤེས་བྱུང་། དེ་ནི་“གང་ལ་གང་འདུལ”་ཟེར་བའི་དོན་ཞིག་ཡིན་འདུག སྲིད་དོན་གྱི་ནང་དུ་གང་ལ་གང་འདུལ་ལམ་མེས་བསྲེག་མེས་གཏུག་གིས་བྱ་བ་བྱས་ནས་རང་དོན་སྒྲུབ་དགོས་པ་ལས་བྱ་བ་གང་དེ་དགེ་བ་ཡིན་མིན་ལ་རྟོགས་དཔྱོད་བྱེད་རྒྱུ་དེ་མིན། བྱ་བ་ཡང་དག་པ་ཡིན་རུང་མིན་རུང་མིའི་འཚོ་གནས་ལ་འཕྲལ་དང་ཕུག་ལ་ཕན་ཐོགས་ཀྱི་འདུག་ན་ངེས་པར་དུ་ཐེ་ཚོམ་མེད་པར་སྒྲུབ་དགོས་པ་ཡིན། བྱ་བ་ཡང་དག་པ་ཡིན་རུང་མིན་རུང་འབངས་མིའི་འཚོ་གནས་ལ་འཕྲལ་དང་ཕུག་ལ་ཕན་ཐོགས་ཀྱི་མི་འདུག་ན་སྒྲུབ་མི་ཉན།

བྱ་བ་བཟང་པོ་ཡིན་པས་སུ་ལ་འདོད་པ་མེད་རུང་དགེ་བ་ཆེན་པོ་ཡོད་པས་ངེས་པར་དུ་བྱེད་དགོས་པ་དང་། འདི་ལས་ཀ་སྡུག་ཅག་ཡིན་པས་ང་ཚོས་ངེས་པར་དུ་བྱེད་མི་ཉན་ཞེས་བཀག་རྒྱ་གོར་གོར་རེའི་ནང་དུ་རང་ཉིད་དངས་བླངས་ཀྱི་འཛུལ་བསྡད་ན་རང་གྱོང་ཁོ་ན་ལས་དོན་དག་འགྲུབ་རྒྱུ་ཧ་ཅང་དཀའ་། ད་སྐབས་དུས་ངན་སྙིགས་མ་ཤར་བར་བཤད་དམ་ཡར་རྒྱས་སུ་སོང་བར་ཐ་སྙད་གང་དུ་བཏག་རུང་། རང་རེའི་ཆོས་ཀྱི་བསླབ་བྱ་མང་དག་ཅིག་གཞིར་བཟུང་ནས་ཆབ་སྲིད་བསྐྱངས་ན་རང་ཚོ་ལ་རག་རྒྱུ་ནི་གྱོང་ཁོ་ནས་ཅི་ཡང་མེད། ཆོས་ཀྱི་བསླབ་བྱ་ག་གེ་མོ་དེ་དག་ནི་སྲིད་དོན་གྱི་ནང་དུ་དུས་ཚོད་ཡོལ་ཟིན་པའི་ཕན་མེད་དངོས་པོ་ཡིན་ཞེས་ཞེ་ས་མ་ཞུས་པར་བཤད་ན་དེ་ལྟར་བཤད་ཆོག

དེ་ཡང་དེ་ལྟར་དུས་རབས་ཉེར་གཅིག་པའི་ནང་དུ་གཞི་ནས་གྱུར་བ་ཞིག་མིན་པར་། ཉུང་མཐར་ཡང་ལོ་བརྒྱ་ཙམ་གྱི་ཡར་སྔོན་ནས་དེ་ལྟར་གྱུར་ཟིན། རང་རེས་དེ་ལྟར་ངོས་མ་ཟིན་པར་རེ་བ་ཆེན་པོ་ཞིག་བྱས་ནས་ཡར་རྒྱུག་མར་རྒྱུག་འདྲ་བྱས་ནས་བསྡད་དེ་མཐར་རྒྱལ་ཁབ་ཡོངས་རྫོགས་ཕུངས་འདུག་པ་དུས་རབས་ཉི་ཤུ་བའི་ནང་གི་བོད་ཀྱི་ལོ་རྒྱུས་མི་སྣ་དག་གི་རྣམ་ཐར་ལ་བལྟས་ན་ཤེས་ཡོང་གི་འདུག་པ་འདི་རེད། དེ་ལྟར་ཆོས་པ་ཞིག་རྣམ་དག་ཅིག་ལ་མཚོན་ན་སྲིད་དོན་གྱི་བྱ་བ་ནི་བརྒྱ་ཆའི་དགུ་བཅུ་ཙམ་བྱེད་མི་འོས་པའི་སྡིག་ལས་ཤ་སྟག་ཡིན་པ་དང་། སྲིད་དོན་པ་རྣལ་མ་ཞིག་ལ་མཚོན་ན་ཆོས་ཀྱི་བྱ་བ་ནི་བརྒྱ་བརྒྱད་ཅུ་ཙམ་རང་ཉིད་ཀྱི་ལས་དོན་ལ་འགལ་རྐྱེན་སྤྲོད་པའི་བྱེད་དཀའ་བའི་ལས་དོན་ཤ་སྟག་ཡིན།

དེ་དག་ནི་རྒྱལ་སྲིད་ཆོས་ཁྲིམས་བཞིན་སྐྱོང་མི་འོས་པར་བཤད་པ་ལས་རྒྱལ་སྲིད་ཁྲེལ་མེད་ལུགས་མེད་ཀྱིས་སྐྱོང་བའམ་ལེགས་ཉེས་ཀྱི་བླང་དོར་ཡེ་ནས་མེད་པར་སྡིག་པ་མིག་བཙུམ་ཁོ་ནར་ལྐུག་པའི་ངང་ཚུལ་གྱིས་སྐྱོང་དགོས་ཟེར་བ་ག་ལ་ཡིན། ལར་ནས་ཆབ་སྲིད་ལ་ནི་ཁོ་རང་ཉིད་ཀྱི་སྐྱོང་སྟངས་ཤིག་ཡོད། དེ་ནི་བཟང་ངན་ནམ་དགེ་སྡིག་གི་དབྱེ་འབྱེད་མེད་པར་འདིར་སྣང་གི་ལས་དོན་གཏན་དུ་འགྲུབ་ཆེད་སྐབས་དང་དུས་ལ་བལྟ་རྒྱུ་དེ་རེད། དེ་ཡང་ཆོས་འགྲོ་སར་ཆོས་ཀྱིས། ཧམ་པ་འགྲོ་སར་ཧམ་པས། དབང་ཡོད་འགྲོ་སར་དབང་ཡོད་ཀྱིས། ཡ་རབས་འགྲོ་སར་ཡ་རབས་ཀྱིས་སོགས་མདོར་ན་རང་དོན་དེ་སྦུག་གི་སྦུག་ཏུ་བཞག་ནས་སྐྱོང་བ་དེ་སྲིད་ཀྱི་སྐྱོང་སྟངས་མཐར་ཐུག་པ་དེ་ཡིན་ཡིན་འདུག ཡང་དུས་ཐུང་ངུའི་ནང་དུ་རྐུབ་རྡོལ་འགྲོ་བའི་བྱ་བྱེད་ཅིག་ལ་ནི་ག་ལ་བྱེད་དེ། དེ་ནི་རྒྱལ་སྲིད་སྐྱོང་ཐབས་ཕར་ཞོགས་ཐབས་ཇུས་ཕལ་བ་ཞིག་ཏུ་ཡང་མི་འགྲོ་བས་སོ།

དེ་ལྟར་སྲིད་ཁྲིམས་ཀྱི་ནང་དུ་ཆོས་ཁྲིམས་འཇོག་མི་འོས་པའམ་བཞག་ན་སྐྱོན་ཡོད་པའི་གཞི་རྩའི་བལྟ་སྟངས་ཞིག་ཀྱང་ཡོད་དགོས་ཀྱི་འདུག གོང་དུ་བཤད་པ་དེ་ནི་ཆོས་ཕྱོགས་ལ་བལྟ་སྟངས་དེ་ཡིན་ཞིང་། དེ་ནི་འཇིག་རྟེན་བལྟ་སྟངས་བྱེ་བྲག་གཅིག་རེད། འདིར་ཁོ་བོས་ཆོས་ཕྱོགས་ལ་བལྟ་སྟངས་དེ་འདྲ་ངེས་པར་དུ་དགོས་པའི་ཀླན་ཀ་ཅང་བྱེད་ཀྱི་མེད། གཙོ་བོ་འཇིག་རྟེན་བལྟ་སྟངས་ཟེར་བའི་གནད་དོན་འདི་འདྲ་ཞིག་ཡོད་ཅེས་ངོས་སྤྲོད་ཆེད་དུ་དཔེར་མཚོན་དུ་དྲངས་པ་ཡིན།

ད་དུང་དབུ་ཁྲིད་འདི་རིགས་ལ་ཡོད་དགོས་པའི་འཇིག་རྟེན་བལྟ་སྟངས་ལ་ད་དུང་གཞན་དང་གཞན་དུ་ཡང་ལོས་ཡོད། དཔེར་ན་བལྟ་གྲུབ་ལས་ལག་ལེན་དངོས་ལ་གལ་ཆེན་དུ་བལྟ་བ་འདི་ཡང་གནད་འགན་ཅན་གྱི་འཇིག་རྟེན་བལྟ་སྟངས་ཤིག་རེད། ཟམ་གདོང་རིན་པོ་ཆེ་ལ་ལག་ལེན་ལས་གཞུང་ལུགས་གལ་ཆེན་དུ་བརྩི་བའི་བལྟ་ཚུལ་ཞིག་ཀྱང་ཡོད་པར་སྣང་། དེ་ཡང་ཁོང་གི་བྱས་རྗེས་ལ་གནོད་པ་བྱུང་བའི་རྒྱུ་རྐྱེན་ཞིག་ཏུ་ཁོ་བོས་མཐོང་།

ད་དུང་ལས་དོན་ཀུན་གྱི་གཞི་རྩ་བདེན་པ་ལ་བཅོལ་དགོས་པའི་འཇིག་རྟེན་བལྟ་ཚུལ། ཡང་དེ་ལས་ལྡོག་པར་ལས་དོན་ཐམས་ཅད་སྒྱུ་ཐབས་ལ་བརྟེན་ནས་སྒྲུབ་དགོས་པའི་འཇིག་རྟེན་བལྟ་ཚུལ། འདས་པ་ལས་ད་ལྟ་གལ་ཆེ་བའི་འཇིག་རྟེན་བལྟ་ཚུལ་དང་། ཡང་དེ་ལས་མ་འོངས་པ་གལ་ཆེ་བའི་འཇིག་རྟེན་བལྟ་ཚུལ། དེ་བཞིན་དེའི་ལུགས་ལྡོག་དང་ལུགས་དཀྲོགས་ཀྱི་འཇིག་རྟེན་བལྟ་ཚུལ། དེ་དང་དེ་ལ་སོགས་པའི་འཇིག་རྟེན་སྟངས་མི་འདྲ་བ་གལ་ཆེན་མང་པོ་ཡོད། དེ་འདྲ་བའི་འཇིག་རྟེན་བལྟ་ཚུལ་རྣམས་ནི་གང་ཟག་སོ་སོའི་གཏིང་ཟབ་པའི་རང་གཤིས་ལ་འཇག་ནས་ཡོད་པས་སློབ་སྟོན་པས་ཀྱང་བཅོས་དཀའ་མོ་ཡིན། ང་ཚོར་དགོས་པ་ནི་འཇིག་རྟེན་བལྟ་ཚུལ་རན་པོ་ཡོད་པའི་མི་ཞིག་བཀའ་ཁྲིའི་ཁྲི་ཐོག་ཏུ་སྟབས་ལེགས་ནས་འདེམས་ཐོན་ཡོང་དགོས་པ་དེ་རེད།

མདོར་ན་རྒྱལ་ཁབ་ཅིག་གི་ཆབ་སྲིད་སྐྱོང་བ་པོ་ལ་གོང་གི་ཤེས་འཇོན་ལྷག་གསུམ་གྱི་ཐོགས་འཇིག་རྟེན་བལྟ་ཚུལ་མ་ནོར་བ་བཅས་འདི་བཞི་ཀ་སྐྱེས་བུ་གཅིག་གི་ཐོག་ཏུ་བབས་ཡོད་ན་ད་གཟོད་སྐྱེས་བུ་དེ་ཀུན་གྱིས་སྔགས་པའི་ཆབ་སྲིད་པ་ཞིག་ཏུ་འགྱུར་རྒྱུ་ཡིན་པ་འདྲ། དེ་འདྲ་བའི་སྐྱེས་བུ་དེ་ནི་ལོ་རྒྱུས་སྐྲུན་པ་པོའི་རླབས་ཆེན་མི་སྣ་ཞིག་ཏུ་འགྱུར་རྒྱུ་ཡིན་འདུག་སྙམ། 

ཀ་རྩོམ་དྲ་གྲོགས་དཀྲུགས་པའི་ཐུར་མ།

ཀ་ཡིག་གྱེན་ལ་བསླངས་འདྲའི་གྲོང་ཁྱེར་དུ།

ཁ་ཤ་ཐ་མག་མེ་ཡིས་འཚིག་ཞོར་དུ།

ག་ཅན་གནག་རྫི་ཆ་བོའི་ཁ་ཐད་དུ།

ང་རྒྱལ་ངོམ་སོ་བྱེད་པ་ཐེངས་མ་དུ།

ཅ་རིལ་དབྱིབས་ལ་འགྲན་པའི་དབུ་རིལ་ནས།

ཆ་མེད་སྐྲ་སེར་ཡུལ་ལ་ཁ་བསྲིང་ནས།

ཇ་ཟས་ཟ་བའི་ཁོམས་ཀྱང་མི་སྟེར་ནས།

ཉ་ཁུག་གུག་ནས་སྡོད་པ་ཉོ་བཞིན་གནས།

ཏ་ལའི་དྲུང་དུ་ཉེ་བར་བཅར་ན་ཡང་།

ཐ་མལ་བོན་ལ་བྱིན་རླབས་བྲན་ན་ཡང་།

ད་དུང་དད་པའི་ཨ་ལོང་མ་ཡོད་ན།

ན་མོ་བླ་མའི་ལྕགས་དཀྱུས་ཨེ་ཟིན་ན།

པ་རྒན་ཞིག་གི་ལས་འགན་ཁུར་ནས་སུ།

ཕ་མར་དྲིན་ལན་ལོག་འཇལ་མཁན་སྐྱེ་བོ་སུ།

བ་ཕྱུགས་མིན་ན་མ་ཧེའི་ཆ་ལུགས་སུ།

མ་ལུས་གཅིག་ཏུ་བརྙེས་པའི་ཧམ་ཅན་སུ།

ཙ་གེ་ཙི་གེ་བྲིས་ནས་ང་རྒྱལ་ཅན།

ཚ་བའི་ལུང་པར་ལུས་པའི་རྗེས་ལུས་ཅན།

ཛ་རེ་ཛོ་རེ་བྱེད་པའི་ལས་ངན་ཅན།

ཝ་ལེར་ཀླད་པའི་ནང་དུ་འཆར་རྒྱུ་ཅན།

ཞ་ལུགས་གོམ་སྟབས་བརྗེས་ནས་ད་ལྟའི་བར།

ཟ་ཁང་ཆང་ཁང་ནས་བཟུང་གཞང་ཁང་བར།

འ་འུར་འདི་འཛི་སྤོང་བར་མི་ཡོང་བར།

ཡ་རེ་ཡོ་རེའི་མི་ཚེ་རྫོགས་པར་འབར།

ར་མ་ལུག་གི་ཆ་ལུགས་དངས་དུ་བླངས།

ལ་ལུང་མི་གཅིག་ཆུང་མ་པང་དུ་བླངས།

ཤ་ཁྲག་གཅིག་པའི་ལས་དོན་རྒྱབ་ཏུ་སྤངས།

ས་སྐལ་ལག་མཐིལ་འདྲ་བོ་དགྲ་ལ་བྱངས།

ཧ་ལོ་ཁྱེད་ཚོ་ཁོང་ཁྲོ་ཨེ་ལངས་སོང་།

ཨ་རིགས་ལ་སོགས་དྲ་གྲོགས་རིགས་གསུམ་ལ།

ཨ་ཡོང་མི་ཡོང་བལྟས་ནས་བསག་འབྲུ་བའི་།

ཧ་ཅང་བཙིར་ནས་བྲིས་པའི་རྩོམ་འདི་བཙངས།

སྤྱི་འཐུས་འདིས་སུ་ཞིག་གི་སྐུ་ཚབ་བྱེད།

སྤྱི་འཐུས་འདིས་སུ་ཞིག་གི་སྐུ་ཚབ་བྱེད།

ཉེ་སྔོན་བོད་མི་མང་སྤྱི་འཐུས་འོས་གཞི་གསལ་བསྒྲགས་གནང་ཟིན་ནས་མི་རིང་བར་དངོས་གཞིའི་འོས་བསྡུ་ཆེན་མོ་བྱ་འཆར་ཡོད་པས་འདི་དང་འབྲེལ་བའི་དོན་དོན་ཞིག་བརྗོད་འདོད། ང་ཚོ་དམངས་གཙོ་ལ་ཕྱིན་པ་འདི་གོམ་ཁ་དལ་རུང་། གོམ་པའི་ཁ་ཕྱོགས་འཁྱུག་མེད་པར་འདོད། འོན་ཀྱང་འདིའི་ནང་དུ་ནང་གི་གོ་རྟོགས་ཀྱི་ཆ་ནས་ན་ཚོད་སྨིན་མེད་པ་སྨྲོས་པས་མི་ལང་ཞིང་། དེ་ཕར་ཞོགས། ཕྱིའི་འགྲོ་ལུགས་ཀྱི་ཆ་ནས་ཀྱང་ལེགས་བཅོས་གཏོང་དགོས་ས་རེ་ཟུང་འདུག (ཉེ་ཆར་ཁོ་བོས་བྲིས་པའི་“དམངས་གཙོ་བཅོས་བསྒྱུར་བྱ་རན།”་ཞེས་པ་དེ་ཀློག་པར་ཞུ)།
ཆོས་རྒྱུད་སྤྱི་འཐུས་འདི་ཡང་དེའི་རིགས་ཤིག་ཡིན་པར་འདོད། ད་དུང་ནུབ་ཕྱོགས་ལ་ཕྱིན་ཚར་བའི་བོད་མི་དང་རྒྱ་བལ་འབྲུག་གི་བོད་མིའི་འོས་ཀྱི་ཐོབ་ཐང་མི་མཚུངས་། གཞིས་བཞུགས་ཆོལ་གསུམ་ལས་དབུས་གཙང་གི་མི་ཉུང་ཤོས་དང་མདོ་སྨད་མང་ཤོས་ཡིན་ཀྱང་འདིར་འཐུས་མི་གྲངས་གཅིག་པ་ཡིན་པ་སོགས་སོ།

ད་ལྟ་འདིར་ཆོས་རྒྱུད་སྤྱི་འཐུས་ཀྱི་སྐོར་འདི་ཅུང་གནང་ཆེ་བས་ཅུང་ཟད་ཞུ། ཆོལ་གསུམ་གང་རུང་ལ་མ་འདུས་པའི་བོད་མི་ཞིག་མེད་པས་ཆོས་རྒྱུད་སྤྱི་འཐུས་ཀྱིས་སུ་ཞིག་གི་སྐུ་ཚབ་བྱེད། ཆོས་རྒྱུད་སྤྱི་འཐུས་ཁོ་རང་ཚོས་ཆོས་རྒྱུད་སྤྱི་འཐུས་དགོས་པའི་རྒྱུ་མཚན་གང་ཞིག་འདྲེན། ཆོས་རྒྱུ་སྤྱི་འཐུས་མི་དགོས་ཟེར་མཁན་ཚོས་རྒྱུ་མཚན་གང་འདྲེན།
འདི་དག་ལ་དབྱེ་ཞིབ་སྟབས་བསྡུས་ཤིག་བྱ་འདོད། སྔར་གྲོས་ཚོགས་སུ་ཆོས་རྒྱུད་སྤྱི་འཐུས་དགོས་མིན་གྱི་ཐོག་ལ་འོས་འཕངས་བས་གྲངས་ཀ་འདྲ་མཉམ་དུ་གྱུར་བའི་སྐབས་སུ་ཟམ་གདོང་རིན་པོ་ཆེས་ཚོགས་གཙོ་ཡིན་པའི་ཆ་ནས་ཚོགས་འདུ་སྟངས་འཛིན་བྱེད་མཁན་ཡིན་བཞིན་དུ་འོས་ཤོག་འཕངས་ནས་མཐར་འོས་གྲངས་གཅིག་གིས་མང་བར་གྱུར་ནས་ཆོས་ལུགས་སྤྱི་འཐུས་དགོས་པར་གྱུར་རོ།
ཞེས་པ་ཞིག་དྲན་པར་གནས།

དེས་ན་ཆོས་རྒྱུད་སྤྱི་འཐུས་དགོས་པར་འདོད་མཁན་དག་དང་མི་དགོས་ཟེར་མཁན་དག་གིས་འདོད་ཕྱོགས་རྒྱུ་མཚན་གསུམ་རེ་དྲངས་ནས་དེ་དག་ལ་ཅུང་ཞིག་བརྟག་ནཿ

དང་པོ་ཆོས་རྒྱུད་སྤྱི་འཐུས་དགོས་ཏེ།

གཅིག རང་ཅག་གི་གཞུང་འདི་ཆོས་སྲིད་ཟུང་འབྲེལ་གྱི་གཞུང་ཡིན་པའི་ཕྱིར་རོ་ཞེས་གསུང་།

གཉིས། བོད་ཀྱི་ཆབ་སྲིད་ཀྱི་ནང་དུ་ཆོས་ལུགས་གྲུབ་མཐའ་ཁག་གི་བར་ལ་ཀྱི་རྙོག་དྲ་དེ་ཅུང་གཏིང་ཟབ་མོ་ཡིན་པས་ཆབ་སྲིད་ཀྱི་གྲུབ་ཆའི་ནང་དུ་ཆོས་རྒྱུད་ཁག་གི་སྐུ་ཚབ་ཡོད་ན་དགེ་མཚན་ཆེ་ཞེས་གསུང་།

གསུམ། བོད་ལ་ཡོད་པ་ནི་ཆོས་ཁོ་ན་ཡིན།
ཆོས་མེད་ན་བོད་ལ་རིག་གཞུང་ཀྱང་མེད། དེས་ན་ཆོས་རྒྱུད་སྤྱི་འཐུས་འདིས་གལ་འགང་རང་བཞིན་འདི་སྟོན་དགོས་སོ་ཞེས་གསུང་།

  དང་པོ་འདི་ནི་གཞི་རྩའི་ལྟ་གྲུབ་དང་འབྲེལ་བའི་གནད་དོན་ཞིག་ཡིན་པས་གཅིག་གིས་གཅིག་ལ་གོ་བ་སྐོན་ཐུབ་པ་ཞིག་མིན།
འོན་ཀྱང་རང་ཉིད་ཀྱི་གཞི་རྩའི་ལྟ་བ་དེ་སྔར་ནས་གསལ་སྟོན་བྱས་ཟིན་པས་མང་དུ་འཆད་པར་མི་སྤྲོ་ཡང་།
མདོར་ན་ཇི་སྲིད་གང་ཟག་གཅིག་གིས་ཆོས་སྲིད་མཉམ་དུ་སྒྲུབ་པ་ན་ཆོས་སྲིད་གཉིས་ཀ་རྣལ་མར་མི་འཁྱོལ་བར་བདག་འདོད།
དེའི་ཕྱིར་སྲིད་དོན་གྱི་ལས་ཀའི་ནང་དུ་ཆོས་པ་ཐེ་བྱུས་བྱེད་མཁན་མེད་ན་དགའ་བསམ་པ་ཡིན།
འོན་ཀྱང་འདི་ནི་གནད་དོན་གཞན་ཞིག་ཡིན་པས་འདིར་སྤྲོ་མི་འོས། གང་ལྟར་ཅི་སྟེ་རང་རེའི་གཞུང་འདི་ཆོས་སྲིད་ཟུང་འབྲེལ་གྱི་ལམ་དུ་མུ་མཐུད་དེ་འགྲོ་རྒྱུར་བོད་མི་མང་གིས་བདམ་ན་སྐྱོན་ཆེར་མེད་པ་ལྟ་བུ་ཡིན་ན་ཡང་ཆོས་རྒྱུད་སྤྱི་འཐུས་འདིས་དེའི་ཕྱོགས་ནས་དགེ་མཚན་འདོན་པ་ལས་གཞན་གྱི་ཕྱོགས་ནས་སྐྱོན་འབྱུང་རྒྱུ་ཡིན་པ་འོག་ཏུ་གསལ།
 

གཉིས་པ་འདི་ནི་ཅུང་ལྗིད་ཁོག་ཏིག་པའི་གླེང་ཕྱོགས་ཤིག་ཡིན་པས་ཤར་མར་འཕེན་ཆོག་པ་ཞིག་ཀྱང་མིན།
འོ་ན་བྱེད་དགོས་པ་གང་ཡིན་ཞེ་ནཿ ཡང་ལྗིད་བཅལ་ནས་ཐག་གཅོད་བྱེད་དགོས་པ་ཡིན། ཆོས་ལུགས་དང་གྲུབ་མཐའི་རྩོད་རྙོག་འདི་རིགས་ནི་མགོ་འབུས་སུ་མ་བཅུག་པར་མགོ་མནན་ནས་གོང་འཕེལ་དུ་མི་འགྲོ་བའི་ཐབས་བྱས་ན་ལེགས་ཤོས་སུ་ཡོད་པ་ལས་གདོང་དང་གདོང་ཐུག་གིས་ཐག་ཆོད་ཡོང་བ་ཞིག་དང་རྙོག་དྲ་སེལ་ཡོང་བ་ཞིག་ཧ་ལམ་མེད་སྙམ།
འཛམ་གླིང་ན་ཅོག་ཙེའི་མདུན་དུ་བསྡད་ནས་ཐག་ཆོད་མི་ཐུབ་པའི་རྩོད་རྙོག་ཀྱང་ཡོད་པ་ནི་འདིའི་རིགས་ཁོ་ན་ཡིན་པར་བདག་འདོད།
མགོ་མནན་ནས་ཟེར་བ་དེ་ཡང་གནོན་ཤུགས་སྤྲད་ནས་མགོ་གནོན་པ་མིན་པར་གླེང་སློང་མི་བྱེད་པ་དང་ཕོགས་ཐུག་མི་གཏོང་བའི་ཐབས་ལམ་ཁོ་ན་ལ་བཤད་པ་ཡིན།
ལུས་ཐོག་གི་རྨ་ངན་ཇི་ཙམ་འཕྲུག་ན་ཟ་འཕྲུག་ཇེ་ཟ་ཡིན་པ་དང་། ཇི་ཙམ་འཕྲུག་པའི་གྲངས་ལ་རྨ་ལ་དེ་ཙམ་གནོད་པ་ལས་དྲག་པར་ཕན་མི་སྲིད།
དེ་ལས་ཟ་འཕྲུག་ལང་རུང་མགོ་གཡེང་དུ་བཅུག་ནས་བརྗེད་དུ་བཅུག་ན་ཟ་འཕྲུག་དེ་ཡང་ཇེ་ཆུང་ནས་ཇེ་ཆུང་འགྱུར་བ་ཡིན།
ཆོས་རྒྱུད་ཀྱི་རྙོག་དྲ་འདི་ཡང་འདི་དང་ཡོངས་སུ་འདྲ་བར་བདག་འདོད། ཆོས་རྒྱུད་སྤྱི་འཐུས་འདི་ནི་ཏག་ཏག་རྨ་རྙིང་ལ་འདྲད་ཙམ་འདྲད་ཙམ་གྱིས་རྗེད་དུ་མི་འཇུག་པ་དང་འདྲ་སེ་བ་ཞིག་ཏུ་མཐོང་།

ཅི་ཙམ་སྔར་གྱི་ནད་རྙིང་སྔོག་ན་ལང་རྒྱུ་ཡོད་པ་དང་།
དེ་གླེང་སློང་མི་བྱེད་པར་རྩིས་མེད་ཀྱིས་བསྐྱུར་ན་དུས་ཚོད་དང་མི་རབས་འགྲོ་རིམ་བཞིན་རྔམ་ཇེ་ཞན་དུ་འགྲོ་རྒྱུ་ཡིན་པར་བདག་འདོད།
གཉིས་ནས་གཞུང་གི་ནང་དུ་དམིགས་བསལ་སྐུ་ཚབ་ཡོད་པས་གཞུང་གི་བཀའ་འོག་ཏུ་འགྲོ་དགོས་པའི་ངེས་པ་འང་མེད་དེ།
སྟབས་ཉེས་ན་གཞུང་ལ་མཛད་དཀའ་བྱེད་པའི་རྒྱུད་ལམ་སྟབས་བདེ་ཞིག་ཏུ་ཡང་མི་འགྱུར་བའི་ངེས་པ་མེད།
དེ་ལྟར་དགེ་དང་སྐྱོན་སྡུར་ན་ཧ་ལམ་ཆོས་རྒྱུད་སྤྱི་མཐུས་མེད་པ་འདི་དགེ་མཚན་ཆེ་བར་བསམ་པ་ཡིན།

གསུམ་པ་ཆོས་རྒྱུད་སྤྱི་འཐུས་ཀྱིས་བོད་ཀྱི་ཆོས་ལུགས་འཕེལ་རྒྱས་ལ་སྐུལ་འདེད་ནུས་ལྡན་ཞིག་འཐོན་པའི་རྒྱུ་མཚན་གང་ཡང་མེད།
ཆོས་ལུགས་གོང་འཕེལ་ནི་གཙོ་བོ་ལུང་རྟོགས་ཀྱི་བསྟན་པ་གོང་འཕེལ་དུ་སོང་མིན་ལ་བལྟ་དགོས་ཤིང་།
དེ་ནི་གྲོས་ཚོགས་དང་འབྲེལ་བ་ཡེ་ནས་མེད། ཆོས་ཆོས་ཀྱི་ས་ནས་འཕེལ་དུ་བཅུག་ན་སྲིད་དོན་གྱི་དྲི་མས་མ་སླད་པའི་ཆོས་རྣམ་དག་ཅིག་འབྱུང་བའི་རེ་བ་དེ་བས་ཆེ།
 

གཉིས་པ་ཆོས་རྒྱུད་སྤྱི་མཐུས་མི་དགོས་ཏེ།
གཅིག གལ་སྲིད་ཆོས་བརྒྱུད་ཆེན་པོ་ལྔ་ལ་སྤྱི་འཐུས་དགོས་ན་ཇོ་ནང་དང་ཞི་བྱེད་སོགས་ལྟ་ཅི་སྨྲོས།
ཁ་ཆེ་དང་ཡེ་ཤུ་སོགས་ལ་ཡང་དགོས་པར་མ་ཟད། མཐའ་ན་ཤུགས་ལྡན་ཚོགས་པ་ལ་ཡང་དགོས་པར་འགྱུར་བ་དེ་མི་འོས་པས་སོ་ཞེས་ཟེར་།
དེར་མ་ཟད་ད་དུང་ཆོས་ལུགས་ཀྱི་མི་སྣ་ལ་རྐུབ་སྟེགས་ཟུར་དུ་དགོས་ན་ལས་གནས་གཞན་པ་དཔེར་ནཿ
ཚོང་པ། དགེ་རྒན། ཚན་རིག་པ། སྒྱུ་རྩལ་བ། རྩེད་མོ་བ་སོགས་འཚོ་ཐབས་གཞན་དང་གཞན་པ་དག་ལ་ཡང་དགོས་པར་འགྱུར་རོ་ཞེས་ཟེར་།

གཉིས། སྔར་ནས་ད་བར་དུ་བོད་ཀྱི་ཆོས་ལུགས་ཀྱིས་བོད་ཀྱི་ཆབ་སྲིད་ལ་ཕོངས་ཕོངས་གང་གིས་ཡང་མ་ཕོངས་བས་ཆོས་ལུགས་སྤྱི་མཐུས་མི་དགོས་སོ་ཞེས་ཟེར་།

གསུམ། དམངས་གཙོའི་གཞི་རྩའི་བལྟ་གྲུབ་དང་མི་མཐུན་པས་མི་འོས་ཟེར།

དང་པོ་འདི་ཆོས་རྒྱུད་སྤྱི་མཐུས་མི་དགོས་པའི་རྒྱུ་མཚན་དུ་ཐད་ཀར་འགྲོ་བ་ཡང་མིན།
འོན་ཀྱང་ཆོས་རྒྱུད་སྤྱི་འཐུས་བཞག་ན་ཉ་ཉོག་འདི་འདྲ་ཞིག་འབྱུང་རྒྱུ་ཡོད་པས་དོན་དུ། སོ་ཡང་མེད་ལ་ཧྲིན་ཡང་མེད།
མིག་ཀྱང་མེད་ལ་ལང་ཏོག་ཀྱང་མེད། ཅེས་པ་བཞིན་རྙོག་དྲའི་འབྱུང་ཁུངས་མེད་ན་རྙོག་དྲ་མི་འབྱུང་བར་བསམ་འདུག
ལར་ནས་རྙོག་དྲ་ལས་གཡོལ་བ་ནི་རྙོག་དྲ་སེལ་བའི་ཐབས་མཆོག་མིན་ན་ཡང་། དགོས་མེད་ཀྱི་རྙོག་དྲ་ཐོད་དུ་ལེན་དགོས་དོན་མེད་པ་ནི་བདེན་པ་རེད།
དེ་ནི་འཇིག་རྟེན་གནའ་མིའི་གཏམ་དཔེརཿ ས་ཡི་རྡོ་བླངས་ནས་རང་གི་མགོ་ལ་བཞུས། ཟེར་བ་དེ་ཡིན་པས་སེམས་རྣལ་དུ་གནས་པའི་མི་ཞིག་གིས་དེ་ལྟར་ཅིའི་ཕྱིར་བྱེད།
དེ་བཞིན་ཚོང་པ་སོགས་ལ་ཡང་སྤྱི་འཐུས་དགོས་པར་འགྱུར་བའི་རིག་པ་འདི་ནི་ཆོས་རྒྱུད་སྤྱི་མཐུས་མི་དགོས་པའི་སྒྲུབ་བྱེད་དུ་བགྲང་རུང་དེ་ལྡོག་ཕྱོགས་སུ་ཡང་འདྲེན་གཏུབ་པ་ཡིན། 

གཉིས་པ་འདི་ཡང་གོང་གི་དང་པོ་དང་འདྲ་བར་འདིར་གཞི་རྩའི་བལྟ་གྲུབ་གྱིས་གནད་དོན་འདྲེས་ཡོད་པས་ལན་དོན་མཐུན་ཞིག་སུའི་ཕྱོགས་ནས་ཀྱང་ཐེབས་དཀའ་།
ལྷག་པར་དུ་འདིའི་ནང་དུ་ཆོས་ལུགས་ཞེ་མཁོན་གྱི་རྣམ་པ་ཡང་ཐིམ་ཡོད་པས་ཆོས་རྒྱུད་སྤྱི་མཐུས་མི་དགོས་པར་སྒྲུབ་པའི་རྒྱུད་རིམ་ནང་དུ་རིགས་མཐུན་པ་དག་གི་ངོ་ལ་མ་གཏོགས་སྔ་རྒོལ་དང་ཕྱི་རྒོལ་གཉིས་ཀར་ཟུགས་ཐུབ་པའི་ནུས་ལྡན་གྱི་རྒྱུ་མཚན་དུ་མི་འགྲོ།

གསུམ་པ་འདི་ལ་ཞིབ་ཆ་ཞིག་མ་བྱས་ན་འདི་ཡང་བདེན་བརྫུན་གཉིས་སུ་འདྲེན་གཏུབ་པར་སྙམ།
ཆོས་རྒྱུད་སྤྱི་འཐུས་འདི་དག་གང་ཟག་བྱེ་བྲག་དག་གི་འཐུས་ཚབ་ཏུ་མ་སོང་བར་ཆོས་རྒྱུད་ཁག་དེ་དག་གི་འཐུས་འཚབ་ཏུ་སོང་ན་དམངས་གཙོའི་ལྟ་བ་དང་འགལ་འགྲོ་བའི་གླན་ཀ་གང་ཡང་བྱེད་མི་ཐུབ་མོད།
ཆོས་རྒྱུད་སྤྱི་འཐུས་འདི་དག་དོན་ལག་ལེན་གྱི་ཐོག་ནས་ཆོས་ཉམས་ལེན་བྱེད་མཁན་གང་ཟག་དག་གི་འཐུས་ཚབ་ཏུ་འགྱུར་འགྲོ་བ་ཡིན་པས་དེ་ནི་ངོ་མ་དམངས་གཙོའི་ལྟ་བ་དང་འགལ་ཡོད་སྙམ།

དེ་ལས་ཀྱང་མངོན་གསལ་དོད་པ་ཞིག་ནི་ཆོས་རྒྱུད་ཁག་གི་སྤྱི་འཐུས་ཀྱིས་ཆོས་རྒྱུད་ཁག་ཏུ་གཏོགས་པའི་མི་རྣམས་ཁོ་ན་མ་གཏོགས་ཆོས་དད་མེད་པའི་མི་བུ་དག་གི་ངོ་ཚབ་ཏུ་ནི་ལག་ལེན་གྱི་ཐོག་ནས་ཀྱང་མི་འགྲོ།
དེའི་དབང་གིས་ཆོས་མེད་སྨྲ་བ་དག་ལ་ངོ་ཚབ་གཅིག་གམ་གཉིས་ཀྱིས་ཉུང་དུ་སོང་བ་ཡིན་པས་གྲོས་ཚོགས་ཀྱི་ནང་དུ་ངོ་ཚབ་དོ་མི་མཉམ་པ་དེ་ལས་ཀྱང་གསལ་བོར་གྱུར་བ་ཡིན།
འདི་ནི་དམངས་གཙོའི་ལྟ་གྲུབ་དང་འགལ་བའི་གནད་དོན་དེ་ཡིན། བྱས་ན་རང་རེའི་བོད་པའི་ནང་དུ་ཆོས་དད་མེད་མཁན་གྱི་གང་ཟག་སུ་ཡོད་དམ།
ཞེས་བྲིས་ན་ངས་དེ་ལ་ལན་མི་འདེབས་སོ།

སྐབས་དོན་བདག་གིས་གླེང་འདོད་པ་ནིཿ
བཙན་བྱོལ་སྤྱི་ཚོགས་ནང་དུ་ལོ་ངོ་ཉི་ཤུ་ལྷག་ལ་བསྡད་པའི་མཉམ་མྱོང་ལས་ཁོ་བར་ཞུ་རྒྱུ་གཞན་ཞིག་ཡོད་པ་ནི་ཆོས་རྒྱུད་སྤྱི་འཐུས་འདི་ནམ་རྒྱུན་བྱེད་མི་ཉན་པར་ཀུན་གྱི་ཁ་ན་རླུང་གྲགས་པའི་ཆོལ་ཁ་ཆོས་ལུགས་ཀྱི་ཞེན་ཁོག་འདི་དག་གོང་སྤེལ་གཏོང་བྱེད་ཅིག་གམ།
དམའ་མཐར་ཡང་གསོན་པོར་གནས་སུ་འཇུག་བྱེད་ཅིག་ཏུ་གྱུར་འདུག་པས་ཀྱང་ཆོས་རྒྱུད་སྤྱི་མཐུས་མི་དགོས་ཞུ་བ་ཡིན།

སྤྱིར་ན་རྒྱུ་མཚན་འདི་ལ་དགོངས་ནས་ཆོས་རྒྱུད་སྤྱི་མཐུས་ལ་འོས་ཤོག་འཕེན་པའི་ཐོབ་ཐང་གྲ་བཙུན་རྣམས་ལ་མ་གཏོགས་མེད་པར་སྔར་ནས་བཟོས་ཡོད་ཀྱང་།
དེ་ཙམ་གྱིས་ཆོས་ལུགས་ཀྱི་ཞེན་ཁོག་དེ་ད་དུང་མི་སྐྱའི་ནང་དུ་མེད་པར་གཏོང་ཐུབ་མི་འདུག
ཆོས་ལུགས་ཀྱི་སྤྱི་འཐུས་ཡོད་པ་ཙམ་གྱིས་མི་སྐྱ་ལ་འོས་ཤོག་འཕེན་པའི་ཐོབ་ཐང་མེད་པ་ན་ཡང་ཁོ་ཚོའི་ནང་དུ་ཆོས་ལུགས་ཀྱི་ཞེན་ཁོག་མཉམ་མེད་གསོན་པོར་གནས་སུ་བཅུག་འདུག
ངའི་ཉེ་སྐོར་ན་དོན་དུ་སྐྱབས་འགྲོའི་མཚན་ཉིད་ཡང་དག་ཅིག་ཀྱང་སྐྱོར་རྒྱུ་མེད་མཁན་མི་སྐྱ་དག་གི་སེམས་སྦུག་ཏུ་ང་ཆེ་གེ་མོའི་ཆོས་ལུགས་པ་ཡིན།
འདི་ང་དང་ཆོས་རྒྱུད་གཅིག་པ་རེད། ཁོ་མ་རེད། ཅེས་པའི་འདུ་ཤེས་ཤིག་མིད་པའི་སྲུབ་ན་འདོན་ཆོག་ཆོག་ཉར་ནས་བསྡད་ཡོད་པ་མང་དུ་མཐོང་སོང་།
དེ་ཡང་ཝ་ར་ན་སི་ནས་སློབ་སྦྱོང་བྱས་པའི་མི་དག་གི་ནང་དུ་གནས་ལུགས་དེ་མང་དུ་གནས། མི་ཞིག་གིས“ང་ལ་ཆོས་ལུགས་ཀྱི་ཞེན་ཁོག་མེད་མ་གཏོགས། དངོས་གནས་བྱས་ན་གཞིས་ཆགས་འདིའི་ནང་དུ་སུ་ང་ཡི་ཆོས་ཡིན་དང་སུ་མིན་ངས་ཏག་ཏག་ཧ་གོ་གི་ཡོད་ད།”་ཞེས་ཟེར་། སྐད་ཆ་འདི་ལ་གཅིག་གཞིགས་དང་། ཆོས་ལུགས་ཀྱི་ཞེན་ཁོག་མེད་ཟེར་ཀྱང་དོན་དུ་སུ་དང་སུ་ཞིག་ཆོས་ལུགས་གང་དང་གང་ལ་གཏོགས་པ་སྔ་ས་ནས་རྒྱུས་ལོན་བྱས་ཚར་འདུག་པས་དེ་ནི་ཆོས་ལུགས་ཞེན་ཁོག་གི་གཞི་མ་བརྟན་པོར་བཏིང་ཚར་བ་རང་རེད་འདུག
ད་དུང་སྐད་ཆ་འདི་ཙམ་མིན་པར་བར་བར་ན་ཚོར་སྣང་དེ་འདྲ་འདྲེན་པའི་སྐད་ཆ་མང་དུ་གོ་རྒྱུ་ཡོད།
གོ་སྐབས་དང་ཕོགས་ཐུག་མ་བྱུང་བ་ཙམ་ལས་ས་བོན་གསོན་པོ་ཞིག་ག་དུས་ཡང་འབར་ཆོག་ཆོག་ཏུ་ཡོད་པར་མཐོང་།
 

འོ་ན་ཆོས་རྒྱུད་སྤྱི་འཐུས་མེད་པར་བཏང་ན་མི་སྐྱའི་ནང་དུ་ཆོས་ལུགས་ཞེན་ཁོག་མེད་པར་འགྱུར་རམ་ཞེ་ནཿ
དེ་འདྲའི་ཁ་ཕོ་ནི་ཤོད་ག་ལ་ནུས། འོན་ཀྱང་ཆོས་ལུགས་ཀྱི་ཞེན་ཁོག་འགྲུབ་པའི་རྒྱུ་རྐྱེན་མང་པོའི་ནང་ནས་གཅིག་མེད་པར་བཏང་བར་ནི་ངེས་པར་འདོད།

གནད་དོན་དངོས་ནི་ཆོས་རྒྱུད་སྤྱི་མཐུས་ཀྱིས་སུ་ཞིག་གི་སྐུ་ཚབ་བྱེད་དམ།
ཞེས་པ་འདི་རེད། དམངས་གཙོའི་ལྟ་གྲུབ་དང་འགལ་ན་ཡང་འདི་ནས་འགལ་གྱི་ཡོད། སྤྱིར་སྤྱི་མཐུས་འདི་དག་གིས་རང་རང་གི་སྡེ་ཁག་རྣམས་ཀྱི་སྐུ་ཚབ་བྱེད་དགོས་པ་ཡིན་ཡང་།
ལག་ལེན་ཐོག་གང་ཟག་སྒེར་གྱི་ངོ་ཚབ་ཏུ་འགྱུར་། གང་ཟག་སྒེར་གྱི་ངོ་ཚབ་ཏུ་གྱུར་ན་གྲོས་ཚོགས་ཀྱི་ནང་དུ་གང་ཟག་སོ་སོར་ངོ་ཚབ་མང་ཉུང་ཤོར་བ་ཡིན་པས་དམངས་གཙོའི་བལྟ་གྲུབ་དང་མི་མཐུན་པ་འདི་ནས་བྱུང་བ་ཡིན།
དཔེར་ནཿ ས་སྐྱའི་སྤྱི་འཐུས་ཀྱིས་ས་སྐྱ་བའི་བསྟན་པའི་འཐུས་ཚབ་བྱེད་དགོས་པ་ཡིན་ཀྱང་།
ལག་ལེན་ཐོག་དེ་མིན་པར་ས་སྐྱ་བའི་མི་མང་གི་འཐུས་ཚབ་ཏུ་འགྱུར་བ་ལྟ་བུ། དཔེ་དེ་བཞིན་ཆོས་ལུགས་གཞན་དག་ལ་འབྱོར་།

ད་དུང་ཇེ་བཙོག་ཏུ་བཏང་ན་ད་སྐབས་ཆོས་རྒྱུད་ཁག་གི་སྤྱི་འཐུས་དག་ལས་མང་ཕྱོགས་ཁམས་ནས་ཡིན་པས་ན་དེ་ཚོས་རང་རང་གི་ཆོས་རྒྱུད་ཀྱི་བསྟན་པའི་ངོ་ཚབ་བྱེད་པ་ལས་ཁམས་པའི་ངོ་ཚབ་བྱེད་པའི་སྣང་ཚུལ་མང་དུ་མཐོང་།
དེ་ཚོ་དམངས་གཙོའི་ལྟ་བ་དང་འགལ་བའི་ཆ་དེ་ཡིན། གྲ་གཟུགས་སྲིད་སྟེགས་ཀྱི་ཐོག་ཏུ་འཁྲབ་པ་དེ་འོས་པོ་ཡོད་དང་མེད་ཀྱི་སྐོར་ལ་ནི་ད་དུང་གླེང་སློང་ཡང་བྱས་མེད།