2010/08/02

བཟང་ངན་གོ་འབྱེད།

དྲ་གྲོགས་རྣམས་པ་དེ་རིང་ངས་ཁྱེད་ཅག་ལ་ཕྱག་ལས་ཞིག་སྐུལ་གྱི་ཡིན། དེ་ག་ཡིན་ཞེ་ནཿ ང་ཚོ་འཛིན་གྲྭ་གཉིས་པའི་བོད་ཡིག་སློབ་དེབ་ནང་དུ་སྒྲུང་ཞིག་ཡོད་པ་དེ་ལ་དབྱེ་ཞིབ་ཅིག་གནང་རོགས། སྒྲུང་དེ་གཤམ་དུ་འགོད་རྒྱུ་ཡིནཿ
སྔོན་སློབ་གྲྭའི་དགེ་རྒན་ཞིག་གིས་སློབ་ཕྲུག་ཚོར་རིག་རྩལ་བརྟག་དཔྱད་ཅིག་བྱས་པ་རེད། སློབ་ཕྲུག་རྣམས་ལ་ར་མགོ་ཚེར་མའམ་ཟེར་མ་ར་མགོ་སྒྲུག་བཅུག་སྟེ། སུ་ལ་མང་བ་བྱུང་ན་རྔན་པ་སྟེར་རྒྱུའི་ཁས་ལེན་བྱས། ཕྱོགས་ཐམས་ཅད་ལ་ཚེར་མ་ཡོད་ཙང་དེ་སྒྲུག་རྒྱུ་ལས་སླ་བོ་མེད། ཧ་ཅང་རིག་རྩལ་ཆེ་བའི་ཕྲུ་གུ་གཅིག་མ་གཏོགས་གཞན་ཚང་མས་ཧུར་ཐག་བྱས་ནས་བསྒྲུགས། འོན་ཀྱང་ལག་པས་རེ་རེ་བྱས་ནས་སྒྲུག་དགོས་ཙང་མང་པོ་བསགས་ཐུབ་མེད། རིག་རྩལ་ཆེ་བའི་ཕྲུག་གུ་དེས་ཉིན་གང་དལ་བོར་བསྡད། ཚང་མས་ལོག་རྩིས་བྱེད་སྐབས་ཁོས་རང་གི་གོས་ཕུད་དེ་ཐད་དུ་ཡར་མར་དྲུད་ནས་རྒྱུགས་པས་ཚེར་མ་ཐམས་ཅད་གྱོན་གོས་ལ་འབྱར་བ་རེད། སྐབས་དེར་ཕྲུ་གུ་ཚང་མའི་སེམས་ལ་ལས་ཀ་གངའདྲ་ཞིག་བྱས་ཀྱང་སྡུག་རུས་རྐྱང་པ་མ་ཡིན་པར་ལས་ཇུས་ཀྱང་དགོས་པ་གལ་ཆེ་བ་འདུག་བསམ་མོ།
གོང་གི་སྒྲུང་འདིས་དམིགས་ཡུལ་ནི་བརྩོན་འགྲུས་གཅིག་བ་མ་ཡིན་པར་ཤེས་རབ་ཀྱང་དགོས་པ་འདོམས་ཆེད་དུ་ཡིན་ངེས། འོན་ཀྱང་ཁོ་བོའི་འཆར་སྒོར་སྒྲུང་འདིས་སྒྱིད་ལུག ང་རྒྱལ། ཁེངས་དྲག གཡོ་ཇུས། སོགས་ཀྱང་སྤེལ་གྱིན་པའི་ཚོར་སྣང་ཞིག་བྱུང་། ཁྱེད་རྣམས་ཀྱིས་སྒྲུང་འདི་ལས་འབྱུང་སྲིད་པའི་ཤུགས་རྐྱེན་ལ་ཡང་ལྗིད་ཅིག་འདེགས་རོགས་ཞུ།

No comments:

བཀླགས་མང་ཤོས།

ཟིན་བྲིས་བཀླགས་གྲངས་ཁྱོན་སྡོམ།

དཔར་རིས་འགྲེམ་སྟོན།

དཔར་རིས་འགྲེམ་སྟོན།
ངའི་བུ་མོ་སློབ་གྲའི་རྩེད་མོའི་ཉིན་མོ་ཨང་གཉིས་པ་ཐོབ།

ང་རང་གི་སྐོར།

My photo
I am a Tibetan, and a teacher. I have a dream that we have a unified Tibetan language. I see there is a way for this. རེ་བ་འདི་འགྲུབ་མི་སྲིད་པ་ཞིག་མིན་ལ། འདིའི་ལམ་སྣེ་གུས་པའི་ལག་ཏུ་ཡོད། དེ་ནི་ཁོ་བོས་བྲིས་པའི་(སྒྲ་སྒྲུབ་རིག་པ)ཡི་ནང་དུ་གསལ་ཡོད།